საქართველო ახალი ტექნოლოგიების დანერგვას და თავისუფალი ინდუსტრიული ზონების მსგავსი Iთ პარკების შექმნას გეგმავს, რაც ინვესტორს გადასახადების გადახდის გარეშე მოქმედების და პროდუქტის საექსპორტოდ გატანის საშუალებას აძლევს, ამის შესახებ გამოცემა Business New Europe Magazine წერს.
ეკონომიკისა და მდგრადი განვითარების მინისტრის ვერა ქობალიას განცხადებით, ტურიზმის განვითარება კვლავაც ერთ-ერთი პრიორიტეტული მიმართულებაა. მთავრობა დიდხანს გეგმავდა შავი ზღვის ზოლისა და მთიანი კურორტების მაქსიმალურად გამოყენებას და საქართველოს ტურისტული დანიშნულების პოპულარულ ადგილად გადაქცევას.
მინისტრის თქმით, აჭარის ავტონომიური რესპუბლიკის საზღვაო ნაწილი დიდ ცვლილებებს განიცდის და მეტი ტურისტის მოსაზიდად საკმაოდ სწრაფი ტემპით ვითარდება. მეორე რეგიონი, რომელიც ცვლილებებს განიცდის, სვანეთია - ჩრდილოდასავლეთით განთავსებული იზოლირებული სამთო რეგიონი ულამაზესი ხედებით და დიდი სათხილამურო პოტენციალით.