"ვერცერთმა მთავრობამ და ვერცერთმა ქალაქის მერმა ვერ შეძლო, რაც დღეს გააკეთა აჭარის მთავრობის თავმჯდომარემ და მისმა მაგარმა გუნდმა. 10 წელია დავდივარ და ვერაფერს ვერ მივაღწიე. სულ რაღაც დეკემბერში მივედი ბატონ თორნიკესთან და 6 თვეში ყველაფერი მოგვარდა. ჩემმა სტუდენტებმა იციან, რამდენი წელიწადია ვფიქრობდით და ვმუშაობდით იმისთვის, რომ ეს გაგვეკეთებინა ბათუმში, მაგრამ არ გამოგვდიოდა. ეს ქალაქი ღირსია იმის, რომ ქონდეს მაღალი განათლების კერა" - აღნიშნა კავკასიის უნივერსიტეტის პრეზიდენტმა კახა შენგელიამ ბათუმში უმაღლესი სასწავლებლის პროექტის პრეზენტაციისას.
ბათუმში კავკასიის უნივერსიტეტის ახალი კამპუსისა და სკოლის მშენებლობა სექტემბერში დაიწყება. კამპუსი აღჭურვილი იქნება თანამედროვე ინფრასტრუქტურით, ბიბლიოთეკით, ლაბორატორიებით, სპორტული მოედნებით, საცურაო აუზით და სტუდენტური საერთო საცხოვრებლით. 1,500 ადგილობრივ და საერთაშორისო სტუდენტზე, ასევე 500 მოსწავლეზე გათვლილი სივრცის მშენებლობა სამ წელიწადში დასრულდება.
