სახელმწიფო ინსპექტორის სამსახურის გამომძიებელთა საკვალიფიკაციო გამოცდა დასრულდა. გამოცდა წარმატებით ჩააბარა 9 კანდიდატმა და მათ შესაბამისი სერტიფიკატები გადაეცათ. სახელმწიფო ინსპექტორის სამსახურის გამომძიებელთა საკვალიფიკაციო გამოცდის ჩაბარების მსურველთა საბუთების მიღება იუსტიციის სასწავლო ცენტრმა უზრუნველყო.

გამოცდაზე გამოცხადებული 20 კანდიდატიდან, გამოცდის მინიმალური კომპეტენციის ზღვარი - 75 ქულა, 9 პირმა გადალახა.

„სახელმწიფო ინსპექტორის სამსახურის შესახებ“ საქართველოს კანონის 23-ე მუხლის მე-2 პუნქტის შესაბამისად, ერთიანი საკვალიფიკაციო გამოცდა ჩატარდა შემდეგ დისციპლინებში:

· საკონსტიტუციო სამართალი;

· ადამიანის უფლებათა საერთაშორისო სამართალი;

· სისხლის სამართალი;

· სისხლის სამართლის პროცესი;

· სასჯელაღსრულებითი სამართალი;

· ოპერატიულ-სამძებრო საქმიანობის საფუძვლები.

თბილისის იუსტიციის სასწავლო ცენტრში, საკვალიფიკაციო გამოცდაზე რეგისტრაცია 2019 წლის 04 ივნისიდან 2019 წლის 14 ივნისის ჩათვლით მიმდინარეობდა.