რთული სათქმელია, დოკუ უმაროვთან მიმართებაში ახმედ ზაკაევს ასეთი რთული გადაწყვეტილება რამ მიაღებინა. ამის შესახებ "ჯი-ეიჩ-ენს" არეშიძემ ჩეჩნეთის მთავრობის დევნილობაში მყოფი მეთაურის, ახმედ ზაკაევის ინტერვიუს შეფასებისას განუცხადა.
"რთული სათქმელია, ახმედ ზაკაევს ასეთი რთული გადაწყვეტილება რამ მიაღებინა. ის ამას იმით ხსნის, რომ ისლამური იმარატის შექმნამ უმაროვის მიერ ჩეჩნეთის ეროვნულ-განმათავისუფლებელი მოძრაობა დაასამარა და იატაკქვეშეთი დასავლეთში არაპოპულარული გახდა. რამდენად ჩართულია ამაში "ეფ-ეს-ბე", ძნელი სათქმელია", - აღნიშნა არეშიძემ.
მისი შეფასებით, უმაროვის ეს ნაბიჯი არ იყო მართებული.
"დოკუ უმაროვი თავს იმით იმართლებდა, რომ ასეთი ტიპის პროექტი სჭირდებოდათ იმ დონორებს, რომლებიც ჩრდილო კავკასიის იატაკქვეშეთს ამარაგებენ ფინანსებით და რომლებიც ძირითადად ისლამური სამყაროს წარმომადგენლები არიან. იმის თქმა ცოტა რთულია, რამდენად ხელი შეუწყო ამას უშიშროებამ, თუმცა გამორიცხული არაფერია", - განაცხადა არეშიძემ.
ჩეჩნეთის მთავრობის დევნილობაში მყოფი მეთაურის, ახმედ ზაკაევის შეფასებით, დოკუ უმაროვი "ეფ-ეს-ბეს" პროექტია. ამის შესახებ ზაკაევმა ქართულ-რუსულენოვან ტელეარხ "პერვი კავკაზისთვის" მიცემულ ექსკლუზიურ ინტერვიუში განაცხადა.
"ეს პროექტი შექმნილია ჩეჩნებისა და ყველა იმ ერის წინააღმდეგ, რომელიც კავკასიაში ცხოვრობს. ხალხმა, რომელმაც დამოუკიდებლობაზე ფიქრი დაიწყო, პუტინს ხელ-ფეხი გაუხსნა იმ პოლიტიკის განსახორციელებლად, რომელიც ახლა ტარდება იმისთვის, რომ რუსეთს არ დაუსვან უხერხული შეკითხვები ჩეჩნეთის დამოუკიდებლობაზე. მათ შექმნეს ეს სტრუქტურა, დოკუ უმაროვი "ეფ-ეს-ბეს" პროექტია", - განაცხადა ზაკაევმა.
მისი თქმით, რუსეთის ფედერაციის პრემიერ-მინისტრ ვლადიმერ პუტინთან საერთაშორისო საზოგადების კითხვაზე - რატომ აღიარა ე. წ. სამხრეთ ოსეთი და აფხაზეთი და რატომ არ აქვს ამის უფლება ჩეჩნებს, უმაროვმა პასუხი გასცა - "ჩეჩნებმა უკვე მიატოვეს დამოუკიდებლობანას თამაში".
