ჩეჩნეთის მთავრობის დევნილობაში მყოფი მეთაურის, ახმედ ზაკაევის შეფასებით, დოკუ უმაროვი "ეფ-ეს-ბეს" პროექტია. ამის შესახებ ზაკაევმა ქართულ-რუსულენოვან ტელეარხ "პერვი კავკაზისთვის" მიცემულ ექსკლუზიურ ინტერვიუში განაცხადა.
"ეს პროექტი შექმნილია ჩეჩნებისა და ყველა იმ ერის წინააღმდეგ, რომელიც კავკასიაში ცხოვრობს. ხალხმა, რომელმაც დამოუკიდებლობაზე ფიქრი დაიწყო, პუტინს ხელ-ფეხი გაუხსნა იმ პოლიტიკის განსახორციელებლად, რომელიც ახლა ტარდება იმისთვის, რომ რუსეთს არ დაუსვან უხერხული შეკითხვები ჩეჩნეთის დამოუკიდებლობაზე. მათ შექმნეს ეს სტრუქტურა, დოკუ უმაროვი "ეფ-ეს-ბეს" პროექტია", - განაცხადა ზაკაევმა.
მისი თქმით, რუსეთის ფედერაციის პრემიერ-მინისტრ ვლადიმერ პუტინთან საერთაშორისო საზოგადების კითხვაზე - რატომ აღიარა ე. წ. სამხრეთ ოსეთი და აფხაზეთი და რატომ არ აქვს ამის უფლება ჩეჩნებს, უმაროვმა პასუხი გასცა - "ჩეჩნებმა უკვე მიატოვეს დამოუკიდებლობანას თამაში".
შეგახსენებთ, რომ ახმედ ზაკევი, რომელიც პოლონეთში ჩეჩენ ხალხთა მსოფლიო კონგრესზე დასასწრებად ჩავიდა, პოლონელმა სამართალდამცველებმა დააკვეს, თუმცა მოგვიანებით სასამართლოს გადაწყვეტილებით იგი კვლავ გაათავისუფლეს.
რუსეთის ფედერაცია ზაკაევს ტერორიზმში ადანაშაულებს და მასზე საერთაშორისო ძებნა აქვს გამოცხადებული.
