ნიუ-იორკში მყოფი საქართველოს პრეზიდენტი მიხეილ სააკაშვილი ევროკომისიის თავმჯდომარეს ჟოზე მანუელ ბაროზოს შეხვდა.
შეხვედრაზე მხარეებმა საქართველო-ევროკავშირის ურთიერთოებები განიხილეს და ორმხრივი თანამშრომლობის გაღმავების შესახებ იმსჯელეს.
მიხეილ სააკაშვილსა და ჟოზე მანუელ ბაროზოს შორის კონკრეტული საუბარი წარიმართა რედამისიის ხელშეკრულების გაფორმებაზე, რომელსაც ხელი მიმდინარე თვეს მოეწერება.
მხარეებმა ასევე იმსჯელეს საქართველო-ევროკავშირს შორის თავისუფალი ვაჭრობის რეჟიმზე და თანამშომლობაზე ენერგეტიკის სფეროში.
შეხვედრის შემდეგ გაკეთებულ განცხადებაში, გაეროში საქართველოს მუდმივმა წარმომადგენელმა ალექსანდრე ლომაიამ აღინიშნა, რომ ევროკავშირი საქართველოსთან ყველა მიმართულებით გააგრძელებს თანამშრომლობას.
"საბოლოო მიზანია საქართველოს ინტეგრირება ევროსტრუქტურებში", _ განაცხადა ლომაიამ.
შეხვედრას ევროკომისარი საგარეო ურთიერთობათა საკითხებში კეტრინ ეშტონიც ესწრებოდა.
შეგახსენებთ, რომ საქართველოს პრეზიდენტი მიხეილ სააკაშვილი ნიუ-იორკში გაეროს 65-ე გენერალური ასამბლეის პოლიტიკურ დებატებში მონაწილეობის მისაღებად იმყოფება.
