ახლა გვჭირდება მეორე ტალღა განახლების, რაც იქნება ძალიან მნიშვნელოვანი ფაქტორი ამომრჩეველისთვისაც, - განაცხადა პარლამენტის თავმჯდომარემ ირაკლი კობახიძემ.
მისი თქმით, განახლება არის ძალიან მნიშვნელოვანი ყოველი შემდეგი არჩევნებისათვის, როდესაც საქმე ეხება საპარლამენტო არჩევნებს.
„განახლება არის ძალიან მნიშვნელოვანი ყოველი შემდეგი არჩევნებისათვის, განსაკუთრებით, როდესაც საქმე ეხება საპარლამენტო არჩევნებს. ჩვენ, გახსოვთ, რომ წინა არჩევნებისთვის დავდეთ ეს პირობა, რომ გუნდი თვისებრივად განახლდებოდა და რეალურად ამ შედეგს მივაღწიეთ და ეს საზოგადოებამ იხილა. ახლა გვჭირდება მეორე ტალღა განახლების, რაც იქნება ძალიან მნიშვნელოვანი ფაქტორი ამომრჩეველისთვისაც, როდესაც ის გააკეთებს არჩევანს ქართული ოცნების სასარგებლოდ. აქედან გამომდინარე, მთელი სერიოზულობით ვეკიდებით ამ პროცესს და ბუნებრივია ეს პროცესი წარიმართება იმ იერარქიის შესაბამისად, რომელიც არის ჩამოყალიბებული პარტიაში. პარტიას ყავს თავმჯდომარე, გენერალური მდივანი, პოლიტიკური საბჭო და ა.შ. ზუსტად ამ იერარქიის შესაბამისად, წარიმართება პროცესი და რა თქმა უნდა ამ პროცესს უხელმძღვანელებენ მთავარი თანამდებობის პირები, რომელიც არიან წარმოდგენილი პარტიაში და მისი მთავარი ორგანო, ეს არის პოლიტიკური საბჭო და გადაწყვეტილებას იღებს კანდიდატთა თაობაზე“, - განაცხადა კობახიძემ.
