2011 წლის ბოლომდე ირანში ბენზინის წარმოება დღე-ღამეში 28 მილიონი ლიტრით გაიზრდება.
ირანის სანავთობო მრეწველობის მინისტრის მოადგილის იმამ ხომეინის განმარტებით, თეირანისა და აბადანის ნავთობგადამამუშავებელი ქარხნების სრულყოფისათვის სამუშაოების 80 პროცენტი დასრულებულია. ამ ნავთობგადამამუშავებელი ქარხნების მოდერნიზაციის პროექტი 3,2 მილიარდი დოლარის ინვესტიციას ითვალისწინებს, რის შემდეგაც
ბენზინის წარმოების ზრდა დღე-ღამეში 17,7 მილიონი ლიტრი იქნება. დღეისათვის მოდერნიზაციაში განხორციელდა დაახლოებით ორი მილიარდი დოლარის ინვესტიცია და წლის ბოლოს კიდევ 1,2 მილიარდი დოლარი. ინვესტიცია განხორციელდება. აღნიშნული პროექტი ირანის შიდა რესურსების ხარჯებით ფინანსდება.
ლავანის, ტაბრიზის, ისფახანის, ბანდარ აბბასის ნავთობგადამამუშავებელ ქარხნებში ჩადებული თანხა 600 მილიონ დოლარს შეადგენს. 2011 წლის ბოლოს იგეგმება ბენზინის წარმოების გაზრდა ამ საწარმოებში 10 მილიონი ლიტრით დღე-ღამეში.
დღეისათვის ირანში ბენზინის წარმოება დღე-ღამეში 45 მილიონ ლიტრს შეადგენს. უახლოესი სამი წლის განმავლობაში ბენზინის წარმოება გაიზრდება კიდევ 40 მილიონი ლიტრით.
შედეგად, 2011 წლის ბოლომდე ირანს აღარ ესაჭიროება ბენზინის იმპორტი და შეძლებს შევიდეს იმ ქვეყნების სიაში, რომლებიც ახორციელებენ ბენზინის ექსპორტს, დასძინა მინისტრის მოადგილემ