გასული წლის მშპ-ის კლება მიმდინარე წელს ზრდით შეიცვლება, ნათქვამია სს "ბი ჯი კაპიტალის" მიერ გამოქვეყნებული საქართველოს მაკრო-ეკონომიკური მდგომარეობის შესახებ მორიგ კვლევაში.
სს "ბი ჯი კაპიტალის" ინფორმაციით, გასულ წელს საქართველოს რეალური მშპ 3.9%-ით შემცირდა, რაც ერთ-ერთი უმცირესი კლების მაჩვენებელია აღმოსავლეთ ევროპის იმ ქვეყნებს შორის, რომლებიც არ ეწევიან ენერგო-პროდუქტების ექსპორტს. 2010 წლის პირველ კვარტალში, ეკონომიკური მდგომარეობა მკვეთრად გაუმჯობესდა და რეალური მშპ 4.5%-ით გაიზარდა. ჩვენი ვარაუდით, წლის ბოლოსთვის ზრდა 4.9%-ს შეადგენს, რაც მთლიანად გააბათილებს გასული წლის ვარდნას. ჩვენი პროგნოზით, გრძელვადიან პერიოდში რეალური მშპ-ს წლიური ზრდა 5%-ს გაუტოლდება, რასაც ხელს შეუწყობს დიდი მოცულობის ინვესტიციები ინფრასტრუქტურასა და მომსახურების სფეროში.
