დავით გარეჯის საკითხზე ბაქოში გამართულ შეხვედრაზე აზერბაიჯანის საგარეო საქმეთა სამინისტრო განცხადებას ავრცელებს. აზერბაიჯანის საგარეო უწყების ინფორმაციით, შეხვედრაზე გადაწყდა, რომ საზღვრის შეუთანხმებელ ნაწილებზე დისკუსია შემდეგ კვირაში გაგრძელდება.
აზერბაიჯანის საგარეო საქმეთა სამინისტროს განცხადებაში ხაზგასმულია, რომ საზღვარი ორ ქვეყანას შორის ჯერ კიდევ საბჭოთა კავშირის დროს დადგინდა და დამოუკიდებლობის მოპოვების შემდეგ, ორ ქვეყანას შორის შეიქმნა სპეციალური სახელმწიფო კომისიები, რომელიც უკვე წლებია საზღვრის დელიმიტაციასა და დემარკაციის საკითხზე მუშაობს.
"პროცესის განმავლობაში გაიმართა კომისიის 11 სხდომა, სადაც მხარეები 480 კილომეტრიან სასაზღვრო მონაკვეთზე შეთანხმდნენ. დარჩენილი 166 კილომენტრიანი მონაკვეთის საკითხზე მუშაობა ექსპერტების დონეზე გრძელდება,"- ნათქვამია განცხადებაში და აღნიშნუალია, რომ დარჩენილ 166-კილომეტრიან მონაკვეთზე მიმდინარეობს მუშაობა
„გვაქვს მოლოდინი, რომ აზერბაიჯანსა და საქართველოს შორის საზღვრის დელიმიტაციის პროცესი მოკლე დროში დასრულდება“, – აღნიშნულია აზრბაიჯანის საგარეო საქმეთა სამინისტროს განცხადებაში.
