თეიმურაზ II-ის მიერ გატარებული პოლიტიკა რამდენად შეესაბამებოდა ქართველთა ეროვნულ ინტერესებს, ამის გარკვევას ცდილობდნენ იმიტირებულ სასამართლო პროცესზე, შესაბამისი არგუმენტებით შეიარაღებულ ბრალდების მხარე, 105-ე საჯარო სკოლის გუნდი ,,იმანანტი“ და დაცვის მხარე, 133-ე საჯარო სკოლის გუნდი ,,მთავარი“. თეიმურაზ II (1700-1762), კახეთის მეფე 1709-1715 წლებში, გამგებელი 1733-1744 წლებში, 130 წლის შემდეგ ქართლის პირველი ქრისტიანი მეფე 1744-1762 წლებში. ე. წ. აღორძინების ხანის ქართული მწერლობის წარმომადგენელი, პოეტი და მთარგმნელი.
ბრალდების მხარე, 105-ე საჯარო სკოლის უფროსკლასელთა გუნდი ,,იმანანტი“: ანა-მარია კულამოვი, კაპიტანი; ზურა აბრამიშვილი; ნიკა დულარიძე; მარიამ ვარდიაშვილი; საბა ორმოცაძე; ბექა ჭიღლაძე; გიორგი ჯამატაშვილი. მენტორები: პოლიტიკსა და საერთაშორისო ურთიერთოებების მიმართულებით პროფესორი: ნატო სონღულაშვილი; სამართლის მიმართულებით: პროფესორი ხატია ვასაძე; პოლიტსამსჯავროელი მენტორი სტუდენტი: ნათია ჩილაჩავა.
დაცვის მხარე, 133-ე საჯარო სკოლის უფროსკლასელთა გუნდი ,,მთავარი“: ანი გოგოძე, გუნდის კაპიტანი; მარიამ ლუაშვილი; ნატალი ავსაჯანიშვილი; გიორგი ღონღაძე; სანდრო ალავერდაშვილი; ალექსანდრე ელიზბარაშვილი; თეონა კვაჭანტირაძე. მენტორები: პოლიტიკისა და საერთაშორისო ურთიეროებების მიმართულებით: პროფესორი გიორგი ჩხიკვიშვილი; სამართლის მიმართულებით: პროფესორი მაკა ტყებუჩავა; პოლიტსამსჯავროელი მენტორი სტუდეტი: ანა ტაკაშვილი
პროფესორ კუპრაშვილის პროექტის „პოლიტიკა სამსჯავროზე“ სასკოლო ფორმატის ფარგლებში 4 მაისს გამართული სამსჯავრო ძალიან საინტერესო გამოდგა. ორივე გუნდმა მომზადების მაღალი დონე გამოავლინა. სტუ-ს სამართლისა და საერთაშორისო ურთიერთობების ფაკულტეტის პროფესურ-მასწავლებლებით დაკომპლექტებულ ნაფიც მსაჯულებს გაუჭირდათ გამარჯვებულის გამოვლენა. მცირე უპირატესობით (1 ქულით) შემდეგ ეტაპზე გადავიდა 133-ე საჯარო სკოლის უფროსკლასელთა გუნდი ,,მთავარი“, რომელიც ფინალში შეხვდება მე-11, 127-ე და 161-ე საჯარო სკოლების უფროსკლასელთა ნაკრებ გუნდ ,,ლიბრას“.
კაპიტანი გუნდისა ,,იმანანტი“, 105-ე საჯარო სკოლის მე-10 კლასის მოსწავლე ანა-მარია კულამოვი: პროფესორ კუპრაშვილის პროექტი „პოლიტიკა სამსჯავროზე“ არის უნიკალური პროექტი, როგორც სტუდენტებისათვის, ასევე ჩვენთვის, მოსწავლეებისათვის, ვინაიდან ის იძლევა საშუალებას მივიღოთ თეორიული და პრაქტიკული გამოცდილება კონკრეტული საკითხების გადაჭრაში. ამ პროექტმა მომცა შესაძლებლობა გამომემუშავებინა ისეთი უნარ-ჩვევები, როგორიც არის საჯარო გამოსვლის ხელოვნება, პრობლემის ანალიზისა და კვლევის მეთოდები, ასევე ეს არის დიდი შესაძლებლობა ურთიერთობა გვქონდეს მაღალი კვალიფიკაციის მქონე პოლიტოლოგებთან, სამართალმცოდნეებთან, ისტორიკოსებთან და მივიღოთ მათგან კომპეტენტური რეკომენდაციები ჩვენი სამომავლო განვითარებისა და წარმატებისათვის. ჩვენ გუნდს დღეს არ წაუგია, ჩვენ ძალიან, ძალიან ბევრი შევიძინეთ... მადლობა სამართლისა და საერთაშორისო ურთიერთობების ფაკულტეტის დეკანს, პროფესორ ირაკლი გაბისონიას, პროექტის ავტორსა და ხელმძღვანელს, პროფესორ ჰენრი კუპრაშვილს.
133-ე საჯარო სკოლის მე-10 კლასის მოსწავლე გიორგი ღონღაძე: პროექტი „პოლიტიკა სამსჯავროზე“ მეტად აღსანიშნავია და გამორჩეულია. სხვათაგან განსხვავებით იგი კონკრეტულად ემსახურება მოსწავლეთა სახელმწიფოებრივი აზროვნებისა და ეროვნული თვითშეგნების ამაღლებას. სახელმწიფოს მმართველთა მიერ გატარებული პოლიტიკის შეფასებისა და განსჯის შემდეგ მოსწავლე შეიმეცნებს მოცემული ეპოქის პოლიტიკური ცხოვრების დადებით და უარყოფით მხარეებს. ერის მამად წოდებული ილია ჭავჭავაძე აღნიშნავდა: „აწმყო, შობილი წარსულისაგან, არის მშობელი მომავლისა“. სწორედ გატარებული პოლიტიკა და ისტორიული გამოცდილების ცოდნა არის სწორედ ის საძირკველი, რომელიც ძლიერი სახელმწიფოს საწინდარია. ეს პროექტი კი ამ მიზანს ემსახურება. დამატებით კიდევ ეს პროექტი გვინვითარებს სასამართლოზე გამოსვლების უნარ-ჩვევებს, გვასწავლის გუნდური მუშაობის პრინციპებს და გვეხმარება სიტყვით გამოსვლის ანუ ორატორული ხელოვნების დახვეწაში. თუ არ ჩავთვლით მცირედ ხარვეზებს, რომლებიც დღითიდღე სულ უფრო უმნიშვნელო ხდება, ეს პროექტი არის იდეალური, როგორც სტუდენტების, ისე მოსწავლეთათვის.
