თუ მანდ იქნება მერი ვიღაც შენგელია, მე შენგელიასთან არ ვიმუშავებ და მაშინ ზუგდიდს არ აქვს პერსპექტივა, - ამის შესახებ საქართველოს მესამე პრეზიდენტმა, მიხეილ სააკაშვილმა, ზუგდიდის მერობის კანდიდატის, სანდრა რულოვსის ამომრჩეველთან შეხვედრაზე ვიდეო ჩართვის დროს თქვა.
მისი თქმით, შენგელია ივანიშვილის ბანკის თანამშრომელი, სრული არარაობაა.
„თუ მანდ იქნება მერი ვიღაც შენგელია, მე შენგელიასთან არ ვიმუშავებ და მაშინ ზუგდიდს არ აქვს პერსპექტივა. თუ იქნება სანდრა, მაშინ ზუგდიდი იქნება სიდიდით საქართველოს მეორე ქალაქი, ეკონომიკური განვითარების თვალსაზრისით პირველი ქალაქი. ზუგდიდში იქნება მაღალი შემოსავლები, სამუშაო ადგილები, პერსპექტივა. როგორც კი სანდრა მოიგებს, მე არასდროს მომიტყუებიხართ, მაქსიმუმ ზაფხულის ბოლოს ივანიშვილის ბუნდღი აღარ იქნება საქართველოს ხელისუფლებაში და მე მექნება საშუალება დაგიბრუნდეთ, თქვენთან ერთად ავაშენო ახალი საქართველო. ძალიან, ძალიან მიყვარხართ ყველანი, ძალინ მენატრებით და ძალინ მალე მინდა ჩამოვიდე, მაგრამ ამაში მინდა თქვენი დახმარება“, - განაცხადა სააკაშვილმა.
