ხალხმა ხელისუფლება კი არ უნდა გადავაყენოთ, არამედ ვაიძულოთ, შეცდომა გამოასწოროს, - აცხადებს ხორავას ქუჩაზე გარდაცვლილი დავით სარალიძის მამა, ზაზა სარალიძე გაზეთ „ასავალ-დასავალთან“ ინტერვიუში.
„გამოსავალი არ არის ხელისუფლების ხშირი ცვლილება. ხალხმა ხელისუფლება კი არ უნდა გადავაყენოთ, არამედ ვაიძულოთ, შეცდომა გამოასწოროს და მთელი თავისი ძალისხმევა სამართლიანობასა და კანონის სამსახურში ჩააყენოს“, – განაცხადა „ასავალ-დასავალთან“ ინტერვიუში ზაზა სარალიძემ განაცხადა.
სარალიძის თქმით, ის უკვე ორი თვეა, პარლამენტის შენობასთან კარვების აქციაში აღარ მონაწილეობს. ამასთან, ზაზა სარალიძე აცხადებს, რომ ბევრ რამეზე დაფიქრდა და ძალიან განიცდის, რომ ზოგიერთმა პოლიტიკოსმა მისი ტრაგედია საკუთარი ინტერესებისთვის გამოიყენა.
