საქართველოს მესამე პრეზიდენტი მიხეილ სააკაშვილი უკრაინაში, საპრეზიდენტო არჩევნებში ვლადიმერ ზელენსკის გამარჯვებას ეხმიანება. მისი თქმით, ზელენსკიმ გამარჯვებისას პირველი რაც გააკეთა, მოუწოდა პოსტსაბჭოთა ქვეყნებს, რომ მიბაძონ უკრაინას. სააკაშვილი ამბობს, რომ უკრაინის მოვლენები მაგალითი უნდა იყოს საქართველოსთვის.
„დღეს ერთადერთი რამე თქვა პრეზიდენტმა ვლადიმერ ზელენსკიმ - გზავნილი პოსტსაბჭოთა ხალხს და საქართველოც ამაში შედის. "მეგობრებო, ჩემი გამარჯვება მეტყველებს, რომ ყველაფერი შესაძლებელია." ეს ნიშნავს იმას, რომ არ არის არაფერი მოჯადოებული წრე. ამათ ბოტებსაც გავარღვევთ, ამათ ნეგატივსაც გავარღვევთ. საქართველოს აქვს დიდი მომავალი, მაგრამ საქართველო ახლა არის გადასარჩენი. ჩვენ გვიკვდება 15 წლის ბავშვები შიმშილით. მოდით ყველამ ერთად გადავარჩინოთ საქართველო. ყველანი ერთად თუ გავერთიანდებით ერთს დავიძახებთ და ივანიშვილის ბუნდღა აღარ იქნება. უკრაინა მაძლევს ძალიან დიდ იმედს”, -განაცხადა მიხეილ სააკაშვილმა.
