გაეროს მსოფლიო ტურიზმის ორგანიზაციის გენერალური მდივანი ზურაბ პოლოლიკაშვილი უზბეკეთის რესპუბლიკაში საქართველოს ელჩს ზურაბ აბდუშელიშვილს თანამდებობაზე დანიშვნას ულოცავს.
„ვულოცავ ზურაბ აბდუშელიშვილს უზბეკეთის რესპუბლიკაში საქართველოს საგანგებო და სრულუფლებიან ელჩად დანიშვნას და ვუსურვებ ნაყოფიერ მუშაობას. დიდი ხანია ვიცნობ მას და დარწმუნებული ვარ, რომ იგი იქნება წარმატებული დიპლომატი და შეძლებს უზბეკეთიდან საქართველოში მნიშვნელოვანი სატრანსპორტო, ტურისტული და ეკონომიკის სხვა სფეროებში პროექტების განხორციელების ხელშეწყობას, ასევე უზბეკეთიდან მნიშვნელოვანი ინვესტიციების მოზიდვას. როდესაც ესპანეთში საქართველოს ელჩად ვმუშაობდი ბატონი ზურაბი აქტიურად მონაწილეობდა საქართველოს კულტურის დღეების ორგანიზებისა და კულტურული მემკვიდრეობის პოპულარიზაციის დაფინანსების საქმეში. მე მას ვიცნობ როგორც ღირსეულ პიროვნებას და ქვეყნის დიდ პატრიოტს, ადამიანს, რომელიც ყოველთვის უდგას სათავეში ჩვენი ქვეყნისთვის სასიკეთო საქმეებს“, ნათქვამია ზურაბ პოლოლიკაშვილის მიმართვაში.