„მასწავლებლის გლობალური ჯილდოს“ მფლობელი კენიელი მასწავლებელი პიტერ ტაბიჩი გახდა.
დღეს, მასწავლებლის გლობალური ჯილდოს (The Global Teacher Prize) ოფიციალურ ვებგვერდზე გამოქვეყნებული ინფორმაციით, დუბაიში, კენიის წამომადგენელმა, პიტერ ტაბიჩმა მსოფლიოს საუკეთესო მასწავლებლის ტიტული მოიპოვა და ჯილდოს სახით 1 მილიონი ამერიკული დოლარი მიიღო.
ყოველწლიურად Varkey Foundation-ის მიერ მილიონი აშშ დოლარი გადაეცემა მასწავლებელს, რომელმაც ამ პროფესიაში განსაკუთრებული წვლილი შეიტანა.
გამარჯვებული „მასწავლებლის გლობალური ჯილდოს“ აკადემიამ აარჩია, რომელშიც მთელი მსოფლიოდან შედიან მასწავლებლები, ჟურნალისტები, საჯარო მოხელეები და სხვადასხვა სფეროს ექსპერტები. 2018 წლის „მასწავლებლის გლობალური ჯილდოს“ მფლობელი დიდი ბრიტანეთის წარმომადგენელი გახდა.
შეგახსენეთ, რომ "მასწავლებლის გლობალური ჯილდოს" 10 ფინალისტს შორის ლანჩხუთის მუნიციპალიტეტის სოფელ ჩიბათის საჯარო სკოლის სამოქალაქო განათლების მასწავლებელი, ლადო აფხაზავაც იყო.