ყირგიზეთი რუსეთს თავის ტერიტორიაზე სამხედრო ბაზის 49 წლით განთავსებას სთავაზობს, იმ პირობით, რომ რუსეთი ბაზის სანაცვლოდ ანგარიშსწორებას იარაღით მოახდენს.
გაზეთ "კომერსანტის" ინფორმაციით, ყირგიზეთის დროებითი მთავრობა იმედოვნებს, რომ რუსული იარაღით რესპუბლიკის სამხრეთ ნაწილში პოზიციებს გაამყარებს.
აღნიშნული წინადადებით ყირგიზეთის თავდაცვის მინისტრმა აბიბულა კუდაიბერდიევმა რუსეთის Yთავდაცვის მინისტრს ანატოლი სერდიუკოვს უკვე მიმართა.
რუსული მედიის ინფორმაციით, ყირგიზეთის თავდაცვის მინისტრი ითხოს რაც შეიძლება სწრაფად გაფორმდეს შეთანხმება ყირგიზეთის ტერიტორიაზე არსებული ხუთი რუსული სამხედრო ნაწილის ერთ სამხედრო ბაზად ჩამოყალიბების შესახებ.
რუსული მედია ასევე იუწყება, რომ ყირგიზეთის დროებითი მთავრობის სიჩქარე ამ საკითხთან მიმართებაში სრულიად გასაგებია. მთავრობას რომელიც სრულად ვერ აკონტროლებს სიტუაციას რესპუბლიკაში სურს, რომ მისი არმია და შს სამინისტროს ნაწილები იარაღით უზრუნველყოფილნი იყვნენ.
მოსკოვის პასუხი ბიშკეკის წინადადებაზე ჯერ ჯერობით უცნობია.
მასალის გამოყენების პირობები
