საქართველოს პრეზიდენტის მიხეილ სააკაშვილისთვის მთავარ პრიორიტეტად დასაქმება რჩება.
ამის შესახებ პრეზიდენტის პრეს-სპიკერმა მანამა მანჯგალაძემ დღეს გამართულ ბრიფინგზე განაცხადა.
"საქართველოში ძალიან ბევრი მნიშვნელოვანი პროექტის განხორციელება მიმდინარეობს. მიმდინარეობს მესტიის რეაბილიტაცია, ყველანი ნახავდით განახლებულ ბათუმს და ანაკლიას, რომელიც ფაქტიურად თავიდან დაიბადა. ეს ყველაფერი ძალიან მნიშვნელოვანია ტურიზმის განვითარებისთვის და როგორც იცით წლის ბოლომდე ქვეყანაში 2 მილიონამდე ტურისტს ველოდებით. თუმცა, პრეზიდენტი სააკაშვილი მიიჩნევს, რომ აღნიშნული პროექტების განხორციელებაში ერთ-ერთი მნიშვნელოვანია ის ფაქტორიც, რომ ათასობით ადამიანის დასაქმება ხდება", - განაცხადა მანჯგალაძემ და აქვე დასძინა, რომ საქართველოს პრეზიდენტის და ხელისუფლების ერთ-ერთ მთავარ პრიორიტეტს სწორედ დასაქმება წარმოადგენს.
ამასთან, მანჯგალაძის განცხადებით, პრეზიდენტი სააკაშვილის და ხელისუფლების წინა საარჩევნო დაპირებები ძალშია და უახლეს წლებში ყველა დაპირება შესრულდება.
