2010 წლის ექვს თვეში საქართველოში 273 მლნ. დოლარის პირდაპირი უცხოური ინვესტიცია განხორციელდა. წინასწარი მონაცემებით საქართველოში განხორციელებული პირდაპირი უცხოური ინვესტიციების მოცულობამ 2010 წლის II კვარტალში 197 მლნ. აშშ დოლარი შეადგინა, რაც 11 პროცენტით მეტია წინა წლის ანალოგიურ მაჩვენებელზე. "საქსტატის" ინფორმაციით, 2010 წლის I კვარტალში ქვეყანაში 76 მლნ დოლარის მოცულობის პირდაპირი იცხოური ინვესტიცია განხორციელდა.
2010 წლის II კვარტალში უმსხვილესი ინვესტორი ქვეყნების წილმა საქართველოში განხორციელებული პირდაპირი უცხოური ინვესტიციების 86 პროცენტი შეადგინა. სტატისტიკის ეროვნულ სამსახურში განმარტავენ, რომ 2010 წლის მერე კვარტალში ქვეყნის უმსხვილესი ინვესტორი ქვეყანა ნიდერლანდებია, რომელმაც საანგარიშო პერიოდში 76,6 მლნ. დოლარის (40%) პირდაპირი უცხოური ინვესტიცია განახორციელა. ნიდელრამდების შემდეგ, ინვესტიციების მოცულობის კუთხით მეორე ადგილზე აშშ (21%), ხოლო მესამე ადგილზე ვირჯინიის კუნძულებია (16%).
პირდაპირი უცხოური ინვესტიციები ეკონომიკის სექტორების მიხედვით: ტრანსპორტი და კავშირგაბმულობა 104,4 მლნ. დოლარი (საერთო ინვესტიციების 53 %), მრეწველობა - 42 მლნ. დოლარი (21%), უძრავი ქონება - 33.2 მლნ. დოლარი (17%) და სხვა სეტორები 17.3 მლნ. დოლარი (9%).