აჭარაში "რთველი 2010" სექტემბროს ბოლო რიცხვებში დაიწყება. როგორც საგენტო "ჯი-ეიჩ-ენს" აჭარის სოფლის მეურნეობის სამინისტროდან აცნობეს, რეგიონში წელს 1200 ტონა ყურძნის მოსავალს ელოდებიან, საიდანაც 840 ტონა ცოლიკოურის ჯიშის ყურძენი, 80 ტონა ჩხავერის ჯიშის ყურძენი, ხოლო 280 ტონა ყურძნის სხვა ჯიშების იქნება. აჭარაში ყურძნის მოსავლის 80 %-ი ქედაზე მოდის.
რთველი ქედის მუნიციპალიტეტში ტრადიციულად ოქტომბრის მეორე ნახევარში იწყება, თუმცა, მიმდინარე წელს რთველი სექტემბრის ბოლოს დაიწყება და აქტიურ ფაზაში ოქტომბრის პირველ ნახევარში შევა.
ქედაში ვენახის საერთო ფართობი შეადგენს 82 ჰექტარს, სადაც 2009 წელს ყურძნის მოსავალმა 535 ტონა შეადგინა.
მიმდინარე წლის პროგნოზით გათვალისწინებულია 530 ტონა ყურძნის წარმოება. მათ შორის ჩხავერი 60 ტ. ცოლიკოური 440 ტ. და სხვადასხვა ჯიშის 30 ტონა ყურძენი.
აჭარაში სამრეწველო დანიშნულებით ძირითადად ცოლიკოურისა და ჩხავერის ჯიშის ყურძენი იწარმოება. მთლიანად წარმოებული ყურძნიდან 80% ცოლიკოური შედგენს, 15% ჩხავერი და 5% სხვადსხვა სასუფრე და საღვინე ჯიშები.