მექსიკაში დააკავეს ქვეყნის ყველაზე ცნობილი ნარკობარონი, სერხიო ვილარეალი - მეტსახელად "ელ გრანდე, რომელიც მექსიკელ სამართალდამცავებს 2.3 მილიონ დოლარად ჰყავდათ შეფასებული და პიროვნება, ვინც პოლიციას ვილარეალის დაკავებაში დაეხმარებოდა აღნიშნულ თანხას მიიღებდა.
ნარკობარონი მეხიკოს აღმოსავლეთით მდებარე პატარა ქალაქ პუებლაში, საზღვაო ქვეითებმა დააპატიმრეს. არსებული ინფორმაციით, ვილარეალი სროლის გარეშე აიყვანეს. ქვეითებმა მასთან ერთად მყოფი ორი პიროვნების დაკავებაც მოახერხეს.
ცნობისათვის, სერხიო ვილარეალი ლათინურ ამერიკაში ერთ-ერთ ყველაზე ძლიერ ბელტრან ლეივას კარტელს ხელმძღვანელობდა. შეგახსენებთ, რომ ცოტა ხნის წინ, ამ კარტელის კიდევ ერთი ლიდერი - ედგარ ვალდესი დააკავეს.
