საქართველოს განათლებისა და მეცნიერების მინისტრმა დიმიტრი შაშკინმა რამდენიმე მასწავლებელს, რომელთაც წარმატებით გაიარეს სასერტიფიკატო გამოცდები სერტიფიკატები და პერსონალური კომპიუტერები გადასცა.
დიმიტრი შაშკინმა პედაგოგებს, როელთაც მასწავლებელთა სასერტიფიკატო გამოცდები გაიარეს და ცოდნის მაღალი დონე აჩვენეს, მადლობა გადაუხადა და მომავალი წარმატებები უსურვა.
მინისტრთან მიღებაზე მოწვეულნი იყვნენ: ნათელა კირვალიძე თბილისის №156 საჯარო სკოლის რუსული ენის პედაგოგი, ზაზა მელიქიძე რუსთავის №26 საჯარო სკოლის მათემატიკის მასწავლებელი, ირმა ჯიშიაშვილი თბილისის №51 საჯარო სკოლის რუსული ენის პედაგოგი, ნინო ბერაძე თბილისის № I საჯარო სკოლის ქართული ენის პედაგოგი და მაია თევდორაშვილი თბილისის №42 საჯარო სკოლის მათემატიკის მასწავლებელი.
როგორც ცნობილია, სერტიფიცირებული მასწავლებლები ახალი სასწავლო წლიდან გაზრდილ ანაზღაურებას მიიღებენ, იმუშავებენ მენტორ მასწავლებლებად და შესაძლებლობა მიეცემათ სამინისტროს მიერ ინიცირებულ სხვადასხვა პროგრმებში ჩაერთონ.
