საქართველო-აზერბაიჯანის სასაზღვრო-გამშვები პუნქტის კონკრეტულ მონაკვეთზე ე. წ. „მწვანე კორიდორი” ამოქმედდება. აღნიშნული ინიციატივა ერთიანი ტურისტული პაკეტის შექმნის ფარგლებში განხორციელდება.
დეტალები საქართველოს საგანგებო და სრულუფლებიანმა ელჩმა ზურაბ პატარაძემ და აზერბაიჯანის რესპუბლიკის საზღვრის დაცვის სახელმწიფო სამსახურის უფროსმა ელჩინ გულიევმა დღეს გამართულ შეხვედრაზე განიხილეს.
შეხვედრაზე აღინიშნა, რომ საქართველო-აზერბაიჯანს შორის არსებული მჭიდრო პოლიტიკური და ეკონომიკური თანამშრომლობის ფარგლებში, ორივე ქვეყნისთვის, ძალზედ მნიშვნელოვანია ძლიერი საზღვარი.
როგორც ირკვევა აზერბაიჯანული მხარე მზადაა დაიწყოს შესაბამისი სამუშაოები საქართველო-აზერბაიჯანის სასაზღვრო-გამშვები პუნქტის კონკრეტულ მონაკვეთზე ე. წ. „მწვანე კორიდორის“ ასამოქმედებლად.
