22 სექტემბერს თელავში, ქეთევან იაშვილის სახელობის სამხატვრო გალერეაში, ნუნუ მარინდაშვილის ნამუშევრების პერსონალური გამოფენა გაიხსნება. ნუნუ მარინდაშვილმა, რომელიც პროფესიით ფიზიკოსია, გამოფენას "ნემსით ფერწერა" უწოდა.
ნემსით შექმნილი ფერწერული ტილოების ავტორი თვითნასწავლი მხატვარი და იუნესკოს ერთპიროვნული წევრია. მისი ნამუშევრები სხვადასხვა სისქისა და ტონალობის მულინის, აბრეშუმისა და შალის ძაფებითაა შექმნილი. თითოეულ ნამუშევარში 200-მდე ფერის ძაფია გამოყენებული.
მარინდაშვილს მონაწილეობა აქვს მიღებული როგორც საქართველოში, ასევე გერმანიაში, საფრანგეთში, ავსტრიასა და კვიპროსში გამართულ სახვადასხვა გამოფენაში.
გამოფენა 3 ოქტომბრამდე გაგრძელდება.
