"დემოკრატიული მოძრაობა - ერთიანი საქართველოს" ლიდერი, ნინო ბურჯანაძე კონსტიტუციის ახალ მოდელს იწუნებს. ამის შესახებ ბურჯანაძემ დღეს, პარტიის ოფისში გამართულ პრესკონფერენციაზე ისაუბრა.
მისი თქმით, კონსტიტუციური ცვლილებების პროექტით მკვიდრდება მმართველობის ახალი მოდელი, რომელიც სახელმწიფოს გარდაქმნის "სუპერსაპრეზიდენტო რესპუბლიკიდან სუპერსაპრემიერო რესპუბლიკად".
ბურჯანაძის განცხადებით, ხელისუფლება ქმნის სუპერსაპრემიერო რესპუბლიკას, რომელიც "არადემოკრატიული არჩევნების პირობებში, ქვეყანას და მოსახლეობას მიხეილ სააკაშვილის ავტორიტარული რეჟიმის განუსაზღვრელი ვადით გაახანგრძლივებს".
ყოფილი პარლამენტის თავმჯდომარის მტკიცებით, ქვეყნის დღევანდელ პრეზიდენტს მიხეილ სააკაშვილს საპრეზიდენტო ვადის ამოწურვის შემდეგ პრემიერობა სურს და სწორედ ამიტომ ცდილობს კონსტიტუციაში პრემიერის უფლებამოსილების გაძლიერებას. ბურჯანაძე აქცენტს იმაზეც აკეთებს, რომ პრემიერის გადაყენება პრაქტიკულად შეუძლებელი ხდება.
"ახალი მოდელის მიხედვით, პრემიერ - მინისტრი არის არა მხოლოდ ძლიერი პოლიტიკური ფიგურა და ქვეყნის ერთპიროვნული პოლიტიკური ლიდერი, არამედ ე ს არის პრემიერ მინისტრი, რომელსაც შეუძლია აკეთოს თითქმის ყველაფერი რაც მოესურვება, შესაბამისად ახალი მოდელი პრინციპულად არ განსხვადება დღეს მოქმედი სუპერსაპრეზიდენტო მოდელისგან", - აღნიშნა ბურჯანაძემ და დასძინა, რომ ახალ მოდელში სახელმწიფო შტოებს შორის ურთიერთმიმართება და უფლებამოსილება სრულიად არაადეკვატური და დაუბალანსებელია.
"ჩვენი პოლიტკური ძალისთვის პრინციპულად მნიშვნელოვანია, რომ კონსტიტუციის თანახმად ხელისუფლების შტოებს შორის ბალანსი დაცული იყოს", - აღნიშნა პარლამენტის ყოფილმა თავმჯდომარემ.
ბურჯანაძეს კონსტიტუციის ახალი მოდელის მიხედვით, არც პარლამენტის როლის გაძლიერების სჯერა და აცხადებს, რომ არასამართლიანი გზით მოსული პარლამენტი პოლიტიკურ ცხოვრებაში მნიშვნელოვან როლს ვერ ითამაშებს.
მანვე, სამართლებრივ სისტემაზეც ისაუბრა და აღნიშნა, რომ დაუშვებელია მოსამართლეების უვადოდ დანიშვნის გადაწყვეტიელბის მიღება და ნაფიც მსაჯულთა ინსტიტუტის დამკვიდრება.
"მიუღებელია ნაფიცმსაჯულთა ინსტიტუტეს შემოღება - ისეთ ქვეყნებშიც კი, სადაც უკვე დანერგილია ეს ინსტიტუტი, მიმდინარეობს სერიოზული კამათი ეფექტურობასთან დაკავშირებით. საქართველოში ამ ინსტიტუტეს შემოღება არის სასამართლოზე ზეწოლის განხორციელების საუკეთესო საშუალება", - განაცხადა ბურჯანაძემ და საქართველოს პარლამენტის ყველა წევრს მოუწოდა არ მისცენ ხმა კონსტიტუციის ახალ პროექტს, რომელიც მისი თქმით, სააკაშვილის მეფედ კურთხევას ემსახურება.
დემოკრატიული მოძრაობსი ლიდერმა საზოგადოებასც მოუწოდა, არ დაუშვან ქ"ვეყნის კონსტიტუციის სააკაშვილზე მორგების მცდელობა":
"ეს ჩვენი ღირსების და თავმოყვარეობის საკითხია", - აღნიშნა ბურჯანაძემ.
