აშშ-ს კონგრესის შუალედურ არჩევნებში, რომელიც 2 ნოემბერში გაიმართება დემოკრატები შესაძლო დამარცხებაზე ალაპარაკდნენ. უნდა აღინიშნოს რომ შესაბამისი მინიშნებები ქვეყნის პრეზიდენტმა ბარაკ ობამამ გააკეთა.
თუ ობამა ადრინდელ საჯარო გამოსვლებში დარწმუნებით საუბრობდა დემოკრატების შესაძლო მარცხზე მან ABჩ-სთან ინტერვიუში განაცხადა.
"თუ ამ არჩევნებს განვიხილავთ როგორც რეფერენდუმს, რომელზეც მოქალაქეები გააკეთებენ მიმდინარე ეკონომიკური ვითარების შეფასებას, მაშინ ჩვენი საქმეები არც თუ ისე კარგადაა", - განაცხადა პრეზიდენტმა და დასძინა, რომ მას "კარგად ესმის, რომ ამჟამინდელი სიტუაცია გაუმჯობესებას საჭიროებს".
ობამას ამოცანა, ისევე როგორც დემოკრატიული პარტიის ნებისმიერი კანდიდატის მდგომარეობს იმაში, რომ ადამიანებს აჩვენონ _ არსებული სიტუაციის ალტერნატივა არ არსებობს.
სხვადასხვა გამოკითხვების მიხედვით ნოემბრის არჩევნებში რესპუბლიკურ პარტიას უფრო მეტი შანსი აქვს, ვიდრე მის კონკურენტებს.
ABჩ-სა და "ვაშინგტონ პოსტის" მიერ ჩატარებული ერთობლივი გამოკითხვით, დღეს რომ არჩევნები გაიმართოს 53 პროცენტი ამომრჩევლებისა მხარს დაუჭერდა რესპუბლიკელების კანდიდატებს, ხოლო 40 პროცენტი დემოკრატებს.
ანალიტიკოსები აცხადებენ, რომ ასეთი სხვაობა კონკურენტებს შორის 1981 წლის შემდეგ არ ყოფილა.
მათივე განმარტებით ნოემბრამდე ბარაკ ობამას ჯერ კიდევ აქვს შანსი ასწიოს დემოკრატების რეიტინგი, თუმცა ყოველი დღის შემდეგ ეს შანსი სულ უფრო მცირდება.
თავად პრეზიდენტის განცხადებით, დემოკრატიული პარტიის წინააღმდეგ ამჟამინდელი ეკონომიკური ვითარება ახდენს გავლენას. მათ შორის უმუშევრობის დიდი დონე, მოსახლეობის შემოსავლების ზრდის დაბალი ტემპი და ჯანდაცვისა და განათლების სფეროში გამოცხადებული რეფორმების ჯერ კიდევ დაბალი ეფექტურობა.
2 ნოემბერს ამერიკელებს მოუწევთ წარმომადგენელთა პალატის წევრების გადარჩევა, ასევე 37 სენატორის და 50-დან 37 შტატის გუბერნატორის არჩევა.
