კუბის ყოფილი პრეზიდენტი პრეზიდენტი, ფიდელ კასტრო ირანის ამჟამინდელ პრეზიდენტ მაჰმუდ აჰმადინეჯადს თავისი ანტი-სემიტური პოზიციის გამო აკრიტიკებს. ამის შესახებ კასტრომ ამერიკელი ჟურნალისტის, ჯეფრი გოლდბერგისთვის მიცემულ ინტერვიუში ისაუბრა.
კუბის ყოფილმა კომენდანტმა აჰმადინეჯადის დღევანდელ პოლიტიკაზეც ისაუბრა და აღნიშნა, რომ დაპირისპირებამ ირანსა და დასავლეთს შორის შესაძლოა ბირთვული ომის სახე მიიღოს.
ფიდელ კასტრომ 1962 წლის "კუბის სარაკეტო კრიზისიც" გაიხსენა, კითხვაზე იმ პერიოდში მისცემდა თუ არა იგი საბჭოთა კავშირს აშშ-ს დაბომბვის რეკომენდაციას, კასტრომ უპასუხა, რომ 1962 წლის კრიზისი ამად არ ღირდა.
შეგახსენებთ, რომ ფიდელ კასტრო კუბას 1959 წლის დეკემბრიდან, 2008 წლამდე ხელმძღვანელობდა. ამის შემდეგ, კი ჯანმრთელობის გაუარესების გამო, მან ქვეყნის მეთაურის თანამდებობა თავის ძმას, რაულ კასტროს გადააბარა. რამდენიმე წლის განმავლობაში კასტრო ტელევიზიით არ გამოჩენილა, თუმცა მიმდინარე წელს მან რამდენიმე გადაცემაში მონაწილეობა მიიღო ყოფილმა კომენდანტმა თავისი ახალი წიგნი - "სტრატეგიული გამარჯვებაც" გამოაქვეყნა.
