ხვალ, 9 სექტემბერს ეკონომიკისა და მდგრადი განვითარების სამინისტრო"რკინაბეტონის შპალის ქარხნას" გასხვისებას გეგმავს. ობიექტის საწყისი ღირებულება 6,8 მლნ დოლარია. საწარმოს ყველა სახის რკინაბეტონის დამზადება შეუძლია და შესაბამისად ეკონომიკისა და მდგრადი განვითარების სამინისტროში 9 სექტემბრისათვის დაგეგმილ აუქციონზე კარდ ვაჭრობასაც მოელიან.
როგორც სააგენტო "ჯი-ეიჩ-ენს" საწარმოთა მართვის საგენტოში განუცხადეს, "რკინაბეტონის შპალის ქარხნას" "საქართველოს რკინიგზის" კრედიტორული დავალიანება გააჩნდა, თუმცა მთავროვამ საწარმოს "საქართველოს რკინიგზის" წინაშე არსებული კრედიტორული დავალიანება მთლიანად ჩამოაწერა.
რამოდენიმე დღის უკან ვერა ქობალია ქარხანაში არსებულ მდგომარეობას პირადად გაეცნო.
ქარხნის დირექტორის ზურაბ ჯანგულაშვილის ინფორმაციით, ქარხანა დღეში 720 ცალ რკინაბეტონის შპალს ამზადებს, რომელიც ე.წ. ინგლისურ და იტალიურ ხაზებზე მზადდება, მასალა კი ინგლისიდან ჩამოდის.
ეკონომიკისა და მდგრადი განვითარების მინისტმა აღნიშნა, რომ ქარხანას საშუალება აქვს, 2-ჯერ მეტი შპალი და კიდევ სხვა პროდუქცია გამოუშვას არამარტო ქართული ბაზრისთვის, არამედ მთელი ევროპის მასშტაბით საექსპორტოდ. ქარხნის პრივატიზაციის შემთხვევაში ინვესტორი საწარმოს პოტენციალს მეტი დატვირთვით აამოქმედებს - ტექნოლოგიაც დაიხვეწება და პროდუქციის რაოდენობაც გაიზრდება.
ქარხანა მდებარეობს თბილისის გარეუბანში, სამრეწველო ზონაში. საწარმოს აქვს მოქმედი კონტრაქტები "საქართველოს რკინიგზასთან".
საწარმო მოქმედებს 1968 წლიდან, ქარხანაში დამზადებული დეტალებითაა აგებული თბილისის რკინიგზის ცენტრალური ვაგზალი, ბორჯომის ვაგზლის კონსტრუქციები და ლოკომოტივის სტადიონი. 1999 წელს ექსპლუატაციაში შევიდა რკინაბეტონის შპალების მწარმოებელი ინგლისური ხაზი, რომელიც ცვლაში 400 ერთეულ ევროსტანდარტის შპალს ამზადებს. 2003 წელს დამატებით დამონტაჟდა რკინაბეტონის შპალების მწარმოებელი იტალიური ხაზი, რომლის წარმადობაც ცვლაში მხოლოდ 320 ერთეულია. ქარხანის საქმიანობის ძირითადი პროფილებია: რკინაბეტონის შპალების წარმოება, რკინაბეტონისა და სამშენებლო დეტალების წარმოება და მცირე საკედლე ბლოკის წარმოება. დღესდღეობით ქარხანაში 120 ადამიანია დასაქმებული.
