აფხაზეთის მთავრობის თავმჯდომარემ, გიორგი ბარამიამ დღეს წალენჯიხის რაიონის სოფელ ფოცხოეწერში ჩასახლებული დევნილები მოინახულა, მათ შორის იყვნენ ისინიც, რომლებიც თბილისიდან მუდმივ საცხოვრებლად ფოცხო ეწერში ჩაასახლეს.
გიორგი ბარამია მათ საცხოვრებელ პირობებს გაეცნო და დევნილების პრობლემებიც მოისმინა. პარალელურ რეჟიმში აფხაზეთის ჯანდაცვის სამინისტროს ორგანიზებით მიმდინარეობდა უფასო პროფილაქტიკური სამედიცინო გამოკვლევები. M
საჭიროებისამებრ გადაეცათ მედიკამენტები და ჰუმანიტარული დახმარება. როგორც აფხაზეთის მთავრობის თავმჯდომარემ ჟურნალისტებს განუცხადა, მისთვის მთავარია ამ ადამიანების სოცილაური დონის ამაღლება და პრობლემების სწრაფად მოგვარება.
ფოცხოეწერში 80-მდე აფხაზეთიდან დევნილი ოჯახი ცხოვრობს, მათ შორის 14 ოჯახი რამდენიმე კვირის წინ ჩასახლდა.
გიორგი ბარამია ხვალ ჩხოროწყუსა და მარტვილის რაიონს ეწვევა, სადაც ასევე დევნილებს შეხვდება და მათ პრობლემებს გაეცნობა.