თბილისის საქალაქო სასამართლოს მოსამართლე ბესიკ ბუგიანიშვილმა, თემქაზე ანა ნაცვლიშვილის მკვლელობაში ბრალდებული ლადო გრიგალაშვილის ადვოკატი, ნაირა ოტიაშვილი წესრიგის დარღვევისთვის 100 ლარით დააჯარიმა.
ის მოსამართლემ რამდენჯერმე გააფრთხილა, თუკი, კანონით დადგენილ წესებს არ დაემორჩილებოდა, შესაბამის ზომებს მიიღებდა. მიუხედავად, მოსამართლის გაფრთხილებისა, ადვოკატმა მოსამართლესთან პოლემიკა არ შეწყვიტა, რის გამოც, ადგილზე თათბირით, ბესიკ ბუგიანიშვილმა ის დააჯარიმა.
ცნობისთვის, საქალაქო სასამართლოში თემქაზე მოკლული ანა ნაცვლიშვილის საქმეს განიხილავენ. ბრალდებულის სკამზე მოკლული გოგონას შეყვარებულია.
