4-5 ოქტომბერს, სასტუმროში „ჰოლიდეი ინნ“ გაიმართება ყოველწლიური საერთაშორისო კონფერენცია „არბიტრაჟის დღეები“. კონფერენციაში მონაწილეობას მიიღებენ  სხვადასხვა ქვეყნის წარმატებული არბიტრები და იურისტები. წელს კონფერენციას 40-მდე  საერთაშორისო არბიტრაჟის სპეციალისტი და უცხოელი მოსამართლე დაესწრება.

კონფერენციის ორგანიზატორია საქართველოს სავაჭრო-სამრეწველო პალატასთან არსებული საქართველოს საერთაშორისო საარბიტრაჟო ცენტრი (GIAC). კონფერენციის მხარდამჭერები არიან  ევროკავშირი (EU) და გაეროს განვითარების პროგრამა (UNDP).

კონფერენციას გახსნის საქართველოს სავაჭრო და სამრეწველო პალატის პრეზიდენტი - ნინო ჩიქოვანი.

მონაწილეებს სიტყვით მიმართავენ საქართველოს იუსტიციის მინისტრი - თეა წულუკიანი, ევროკავშირის ელჩი საქართველოში - კარლ ჰარცელი, უზენაესი სასამართლოს მოსამართლე  - ნინო ბაქაქური, საქართველოს ბიზნეს ომბუდსმენი - ირაკლი ლექვინაძე, საქართველოს არბიტრთა ასოციაციის თავმჯდომარე - სოფო ტყემალაძე,  და ”საპარტნიორო ფონდის“ გენერალური დირექტორი - დავით საგანელიძე.