საქართველოში საერთაშორისო სავაჭრო პალატის კომერციული არბიტრაჟი დაფუძნდება. როგორც ქვეყნის პრემიერ-მინისტრმა განაცხადა, 20 დეკემბერს პარიზში ხელი მოეწერება საერთაშორისო არბიტრაჟთან ძალიან მნიშვნელოვანი ინიციატივას, რომლის მიხედვითაც, საქართველოში საერთაშორისო სავაჭრო პალატის კომერციული არბიტრაჟი დაფუძნდება.
მამუკა ბახტაძის განმარტებით, არბიტრაჟის დაფუძნება ნიშნავს იმას, რომ საქართველო ფაქტობრივად, ევროპაში იქნება მეორე ქვეყანა, რომელიც მსგავსი ტიპის სერვისს შესთავაზებს ბიზნესს და ზოგადად წაახალისებს ეკონომიკურ აქტივობას.
„ეს არის ყველაზე მაღალი თამასა, რომელიც კი არსებობს ზოგადად არბიტრაჟის მიმართულებით. ეს არის კიდევ ერთი გზავნილი, რომ საქართველოს მთავრობა ყველაფერს აკეთებს, რათა მოხდეს ქვეყნის კიდევ უფრო ეფექტური ინტეგრირება გლობალურ ეკონომიკაში, რომ საქართველომ შეძლოს, ერთობლივად გავხდეთ რეგიონული, ფინანსური ცენტრი. ეს არის უმნიშვნელოვანესი წინაპირობა, რომ ძალიან მნიშვნელოვან მიზანს მივაღწიოთ“, – განაცხადა მამუკა ბახტაძემ.
