34 ქვეყნის მოქალაქეებს საშუალება ექნებათ, საქართველოში კომპანიები ელექტრონულად დაარეგისტრირონ და საბანკო ანგარიშები გახსნან. როგორც დღეს საქართველოს პრემიერ-მინისტრმა განაცხადა, შემოდის ელექტრონული რეზიდენტობის პრაქტიკა.
„ჩვენ დღეს ოფიციალურად ვაცხადებთ ინიციატივის შესახებ, რომელიც რევოლუციური მნიშვნელობის ცვლილებაა. არ მინდა, შეფასება მაღალფარდოვანი სიტყვებით გავაკეთო, მაგრამ ეს ნამდვილად ასეა. ჩვენ ელექტრონული რეზიდენტობის პრაქტიკა შემოგვაქვს, რომელიც 34 ქვეყნის მოქალაქეს საშუალებას მისცემს, საკუთარი კომპანიების ელექტრონული რეგისტრაცია და საბანკო ანგარიშების გახსნა საქართველოში ჩამოუსვლელად მოახდინონ. საქართველოში არსებული შეღავათიანი საგადასახადო რეჟიმებით ისარგებლონ“, – აღნიშნა მამუკა ბახტაძემ.
