2019 წლის ბიუჯეტის წარმოდგენილი პროექტით გათვალისწინებული ასიგნებები მხარჯავი დაწესებულებების მიხედვით შემდეგნაირად არის გადანაწილებული:

• ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს დაფინანსება 2018 წლის გეგმასთან შედარებით იზრდება 239.5 მლნ ლარით და შეადგენს 3 863.1 მლნ ლარს (ბიუჯეტის მთლიანი გადასახდელების 30.3%). აღნიშნული თანხის ფარგლებში გათვალისწინებულია:
  • სოციალური დაცვისა და საპენსიო უზრუნველყოფისათვის - 2 684.2 მლნ ლარი, საიდანაც 1 925.0 მლნ ლარი მიიმართება მოსახლეობის საპენსიო უზრუნველყოფისთვის, რომლის ფარგლებში გათვალისწინებულია პენსიის 20 ლარით ზრდა 2019 წლის პირველი იანვრიდან;
  • ჯანმრთელობის დაცვის პროგრამებისთვის - 1 048.6 მლნ ლარამდე; მათ შორის:
    • მოსახლეობის საყოველთაო ჯანმრთელობის დაცვის პროგრამისთვის - 754.0 მლნ ლარი;
    • იმუნიზაცია - 22.4 მლნ ლარი;
    • C ჰეპატიტის მართვის პროგრამა - 16.0 მლნ ლარი;
    • ტუბერკულოზის მართვა - 15.7 მლნ ლარამდე;
    • აივ ინფექცია/შიდსის პროგრამა - 12.5 მლნ ლარზე მეტი;
    • ნარკომანიით დაავადებულ პაციენტთა მკურნალობა - 12,2 მლნ ლარი (გაზრდილია 3,0 მლნ ლარით);
    • დიალიზი და თირკმლის ტრანსპლანტაცია - 36.3 მლნ ლარი;
    • ფსიქიკური ჯანმრთელობა - 24.0 მლნ ლარი (გაზრდილია 3,0 მლნ ლარით);
    • დიაბეტის მართვა - 13.5 მლნ ლარი;
    • სასწრაფო გადაუდებელი დახმარება და სამედიცინო ტრანსპორტირება - 44.7 მლნ ლარი;
    • სოფლის ექიმი - 26.0 მლნ ლარი;
    • რეფერალური მომსახურება - 20.0 მლნ ლარი;
    • ქრონიკული დაავადებების სამკურნალო მედიკამენტებით უზრუნველყოფა - 20.0 მლნ ლარი (გაორმაგდა პროგრამის დაფინანსება) და სხვა.
  • სამედიცინო დაწესებულებათა რეაბილიტაციისა და აღჭურვისათვის - 20.0 მლნ ლარი;
  • იძულებით გადაადგილებულ პირთა საცხოვრებელი სახლებით უზრუნველყოფისათვის ჯანდაცვის სამინისტროს ასიგნებებში გათვალისწინებულია 42,7 მლნ ლარი,

აღსანიშნავია, რომ ამავე მიზნობრიობით საცხოვრებელი სახლების მშენებლობისათვის რეგიონული განვითარებისა და ინფრასტრუქტურის სამინისტროს ასიგნებებში გათვალისწინებულია 50,0 მლნ ლარი, შესაბამისად დევნილთა საცხოვრებელი სახლებით უზრუნველყოფისათვის გამოყოფილი ჯამური თანხა შეადგენს 92,7 მლნ ლარს.

ამ ეტაპზე წარმოდგენილია 2019 წლის ბიუჯეტის პირველადი ვარიანტი და აღსანიშნავია, რომ ბიუჯეტის განხილვების პროცესში გაგრძელდება კონსულტაციები, როგორც მთავრობის სტრუქტურებს შორის, ასევე პარლამენტის შესაბამის კომიტეტთან, მათ შორის მიმდინარეობს მუშაობა მცირეწლოვანი ბავშვების სოციალური უზრუნველყოფის სისტემის დახვეწის მიმართულებით და ბიუჯეტის გადამუშავებულ ვარიანტში შესაძლებელია განხორციელდეს გარკვეული კორექტირებები.

• რეგიონული განვითარებისა და ინფრასტრუქტურის სამინისტროსთვის გამოყოფილია 1 965.0 მლნ ლარი, რაც 139.8 მლნ ლარით აღემატება 2018 წლის მაჩვენებელს. გამოყოფილი თანხის ფარგლებში გათვალისწინებულია:
  • საგზაო ინფრასტრუქტურის გაუმჯობესებისათვის - 1 377.1 მლნ ლარი, მათ შორის თანხები მიიმართება შემდეგი საავტომობილო გზების მშენებლობა-რეკონსტრუქციაზე:
    • მცხეთა-სტეფანწმინდა-ლარსის საავტომობილო გზის ქვეშეთი-კობის მონაკვეთზე საავტომობილო გზის და გვირაბის მშენებლობა - 135.0 მლნ ლარი;
    • აღმოსავლეთ-დასავლეთის ჩქაროსნული ავტომაგისტრალის ზემო ოსიაური-რიკოთის მონაკვეთი – 100.0 მლნ ლარი;
    • რიკოთის გვირაბი - არგვეთის მონაკვეთი - 317,9 მლნ ლარი
    • სამტრედია-გრიგოლეთის მონაკვეთი - 100.0 მლნ ლარი;
    • ბათუმის ახალი შემოვლითი გზა - 70.0 მლნ ლარი;
    • გრიგოლეთი-ჩოლოქის მონაკვეთის მშენებლობა - 58.5 მლნ ლარი;
    • ქუთაისის შემოვლითი საავტომობილო გზის მეორე ზოლი - 54.0 მლნ ლარი;
    • ძირულა-ხარაგაული-მოლითი-ფონა-ჩუმათელეთის საავტომობილო გზის ჩუმათელეთი-ხარაგაულის მონაკვეთის რეაბილიტაცია-რეკონსტრუქცია - 28.5 მლნ ლარი;
    • სნო-ჯუთა-როშკა-შატილი-ომალო-ხადორის ხეობა - ბაწარა - ახმეტის მიმართულებით საავტომობილო გზების რეკონსტრუქცია-მშენებლობა - 20.0 მლნ ლარი;
    • ბაღდათი-აბასთუმნის საავტომობილო გზის რეკონსტრუქცია-რეაბილიტაცია - 20.0 მლნ ლარი;
    • ანაკლიის პორტთან მისასვლელი საავტომობილო გზის და რკინიგზის მშენებლობა - 20 მლნ ლარი;
    • ზემო იმერეთი (საჩხერე) - რაჭის დამაკავშირებელი საავტომობილო გზის რეკონსტრუქცია-მშენებლობა - 15 მლნ ლარი;
    • ბათუმი (ანგისა) - ახალციხის საავტომობილო გზის ხულო-ზარზმის მონაკვეთის რეაბილიტაცია-რეკონსტრუქცია - 13.0 მლნ ლარი.

• რეგიონული და მუნიციპალური ინფრასტრუქტურის რეაბილიტაციისათვის გათვალისწინებულია 254.1 მლნ ლარი, მათ შორის:
  • მდგრადი ურბანული ტრანსპორტის განვითარების საინვესტიციო პროგრამა (ADB) - 80.0 მლნ ლარი;
  • საქართველოს ურბანული რეკონსტრუქციის და განვითარების პროექტი (EIB) - 70.0 მლნ ლარი;
  • რეგიონალური განვითარების პროექტი (კახეთი, იმერეთი, მცხეთა-მთიანეთი და სამცხე-ჯავახეთი) - ჯამში 38.5 მლნ ლარი;
  • რეგიონალური და მუნიციპალური ინფრასტრუქტურის განვითარების პროექტი - 13.0 მლნ ლარი;
  • საქართველოს მუნიციპალური ინფრასტრუქტურის განახლების პროექტი - 10.0 მლნ ლარი;
• წყალმომარაგების ინფრასტრუქტურის აღდგენა-რეაბილიტაციისთვის გათვალისწინებულია 225.5 მლნ ლარი, მათ შორის 2019 წელს განხორციელდება:
  • რეგიონებში ინფრასტრუქტურული პროექტების მხარდაჭერის ღონისძიებები - 25.0 მლნ ლარი, მათ შორის ყაზბეგის მუნიციპალიტეტის სოფელ გუდაურში წყლის ხელოვნური რეზერვუარის მშენებლობა და სხვა ინფრასტრუქტურული პროექტების განხორციელება;
  • ურბანული მომსახურების გაუმჯობესების პროგრამა - 0 მლნ ლარი, რომლის ფარგლებშიც გათვალისწინებულია სასმელი წყლის და წყალარინების სისტემების მშენებლობა-რეაბილიტაცია (მესტია, ანაკლია, ურეკი, ფოთი, ზუგდიდი, ჯვარი, ჭიათურა, გუდაური, ბაკურიანი, ბოლნისი, მარნეული), ასევე ქუთაისის და თელავის წყალმომარაგების სისტემის მშენებლობა-რეაბილიტაცია და აბაშის მაგისტრალური მილსადენის რეაბილიტაცია;

• იძულებით გადაადგილებული პირების მხარდაჭერისთვის გათვალისწინებულია 0 მლნ ლარი, რომლის ფარგლებშიც განხორციელდება იძულებით გადაადგილებულ პირთათვის სოციალური და საცხოვრებელი პირობების გაუმჯობესება;

ჯანდაცვის სამინისტროში გათვალისწინებულ თანხასთან ერთად, დევნილთა საცხოვრებელი პირობების გაუმჯობესებაზე ჯამში მიიმართება 92,7 მლნ ლარი.

• განათლების, მეცნიერების, კულტურისა და სპორტის სამინისტროს დაფინანსება იზრდება 23.7 მლნ ლარით და გათვალისწინებულია 1 485.0 მლნ ლარი, მათ შორის:
  • სკოლამდელი და ზოგადი განათლების დასაფინანსებლად - 738.6 მლნ ლარამდე, მათ შორის:
    • ზოგადსაგანმანათლებლო სკოლების დაფინანსება - 617.2 მლნ ლარი;
    • მასწავლებელთა პროფესიული განვითარების ხელშეწყობა - 11.7 მლნ ლარამდე;
    • უსაფრთხო საგანმანათლებლო გარემოს უზრუნველყოფა - 15.7 მლნ ლარზე მეტი;
    • მოსწავლეების სახელმძღვანელოებით უზრუნველყოფა - 18.0 მლნ ლარამდე;
    • საჯარო სკოლის მოსწავლეების ტრანსპორტით უზრუნველყოფა - 22.5 მლნ ლარი
    • პროგრამა "ჩემი პირველი კომპიუტერი" – 25.1 მლნ ლარი და სხვა;
  • პროფესიული განათლების დასაფინანსებლად - 48.7 მლნ ლარამდე;
  • უმაღლესი განათლების დასაფინანსებლად - 168.8 მლნ ლარზე მეტი;
  • მეცნიერებისა და სამეცნიერო კვლევების ხელშეწყობისთვის - 65.5 მლნ ლარი;
  • ინკლუზიური განათლების პროგრამის დასაფინანსებლად - 17.7 მლნ ლარზე მეტი;
  • სამინისტროს სისტემის ინფრასტრუქტურის განვითარებისათვის - 138.7 მლნ ლარზე მეტი, მათ შორის:
    • ზოგადსაგანმანათლებლო დაწესებულებების ინფრასტრუქტურის განვითარებისთვის - 90.0 მლნ ლარი (გაზრდილია 50%-ით);
    • პროფესიული საგანანმანათლებლო დაწესებულებების ინფრასტრუქტურის განვითარებისთვის -18.0 მლნ ლარი (გაზრდილია 3,6-ჯერ);
    • უმაღლესი საგანმანათლებლო და სამეცნიერო დაწესებულებების ინფრასტრუქტურის განვითარებისთვის - 5.0 მლნ ლარი;
    • კულტურაში ინვესტიციებისა და ინფრასტრუქტურული პროექტების მხარდაჭერისთვის - 10.2 მლნ ლარი;
    • სპორტში ინვესტიციებისა და ინფრასტრუქტურული პროექტების მხარდაჭერისთვის - 10.3 მლნ ლარი;
  • ინკლუზიური განათლების დასაფინანსებლად - 17.7 მლნ ლარი;
  • კულტურის განვითარების ხელშეწყობისთვის - 63.6 მლნ ლარზე მეტი, მათ შორის:
    • ხელოვნების განვითარებისთვის - 54.6 მლნ ლარი;
    • კულტურის ხელშეწყობისთვის - 9.0 მლნ ლარი;
  • კულტურული მემკვიდრეობის დაცვისა და სამუზეუმო სისტემის სრულყოფისთვის - 21.0 მლნ ლარზე მეტი;
  • მასობრივი და მაღალი მიღწევების სპორტის განვითარების და პოპულარიზაციის დასაფინანსებლად - 109.2 მლნ ლარი, მათ შორის:
  • ახალგაზრდობის სფეროში სახელმწიფო ხელშეწყობის ღონისძიებებისთვის - 5.4 მლნ ლარი;
  • კულტურისა და სპორტის მოღვაწეთა სოციალური დაცვისა და ხელშეწყობის ღონისძიებების დასაფინანსებლად - 20.6 მლნ ლარი, მათ შორის 13,0 მლნ ლარი გათვალისწინებულია 2019 წლის განმავლობაში სპორტის სხვადასხვა სახეობებში მიღწეული წარმატებების შესაბამისად სპორტსმენთა, მწვრთნელთა და საექიმო პერსონალის დაჯილდოებისთვის.

2018 წელთან შედარებით, საგანმანათლებლო პროგრამების დაფინანსება საბიუჯეტო სახსრების ფარგლებში (დონორების მიერ დაფინანსებული პროექტების გამოკლებით) გაზრდილია 123,3 მლნ ლარის ოდენობით. ბიუჯეტის განხილვების პროცესში გაგრძელდება კონსულტაციები როგორც მთავრობის სტრუქტურებს შორის, ასევე პარლამენტის შესაბამის კომიტეტთან, მათ შორის გაიწერება განათლების რეფორმის ფარგლებში 2019-2022 წლებში განსახორციელებელი ღონისძიებები და ბიუჯეტის გადამუშავებულ ვარიანტში შესაძლებელია განხორციელდეს გარკვეული კორექტირებები.

• გარემოს დაცვისა და სოფლის მეურნეობის სამინისტროსთვის გამოყოფილია 298.1 მლნ ლარი. გამოყოფილი თანხის ფარგლებში გათვალისწინებულია:
  • სურსათის უვნებლობა, მცენარეთა დაცვა და ეპიზოოტიური კეთილსაიმედოობისთვის - 58.1 მლნ ლარი, საიდანაც აზიური ფაროსანას წინააღმდეგ გასატარებელი ღონისძიებებისთვის გათვალისწინებულია 35.0 მლნ ლარი;
  • მევენახეობა-მეღვინეობის განვითარებისთვის - 11.0 მლნ ლარზე მეტი;
  • ერთიანი აგროპროექტის დასაფინანსებლად - 89.6 მლნ ლარი, მათ შორის:
    • შეღავათიანი აგროკრედიტებისთვის - 49.0 მლნ ლარი;
    • დანერგე მომავალის დასაფინანსებლად - 13.0 მლნ ლარი;
    • სოფლის მეურნეობის პროდუქციის გადამამუშავებელი საწარმოების თანადაფინანსებისთვის - 13.0 მლნ ლარი;
  • სამელიორაციო სისტემების მოდერნიზაცია და აგროსექტორის განვითარების ხელშეწყობისთვის - 76.7 მლნ ლარი;
  • სასოფლო-სამეურნეო კოოპერატივების ხელშეწყობის ღონისძიებების დასაფინანსებლად - 4.5 მლნ ლარი;
  • გარემოსდაცვითი ზედამხედველობისთვის - 11.3 მლნ ლრი;
  • დაცული ტერიტორიების სისტემის ჩამოყალიბებისა და მართვისთვის - 10.8 მლნ ლარი;
  • სატყეო სისტემის ჩამოყალიბება და მართვისთვის - 10.0 მლნ ლარი;

• ეკონომიკისა და მდგრადი განვითარების სამინისტროსათვის გამოყოფილია 324.7 მლნ ლარზე მეტი;
• საქართველოს ფინანსთა სამინისტროს დაფინანსება შეადგენს 91.0 მლნ ლარს;
• იუსტიციის სამინისტროსთვის გამოყოფილია 184.9 მლნ ლარი;
• საგარეო საქმეთა სამინისტროსთვის გამოყოფილია 127.0 მლნ ლარი;
• თავდაცვის სამინისტროსთვის გამოყოფილია 790.0 მლნ ლარი;

სამინისტროს ასიგნებების შემცირება გასულ წელთან შედარებით გამოწვეულია საფრანგეთთან გაფორმებული კონტრაქტის დასრულებით, თუმცა აღსანიშნავია, რომ ამ ეტაპზე გრძელდება კონსულტაციები ჩვენს პარტნიორებთან და გადამუშავებულ ვარიანტში განხორციელდება სამინისტროს ასიგნებების კორექტირება;

• შინაგან საქმეთა სამინისტროსთვის გამოყოფილია 643.5 მლნ ლარი;

გათვალისწინებულია მიმდინარე წელს განხორციელებული, დაბალი რანგის პოლიციელთა ხელფასების ზრდის (საშუალოდ 250,0 ლარით) სრული დაფინანსება, ასევე პირველი იანვრიდან გათვალისწინებულია სასაზღვრო პოლიციაში  დაბალი რანგის პოლიციელთა ხელფასების ზრდა (საშუალოდ 250,0 ლარით);

• საქართველოს სახელმწიფო უსაფრთხოების სამსახურისთვის გათვალისწინებულია 134.0 მლნ ლარი;

6,0 მლნ ლარამდე გათვალისწინებულია დაბალი რანგის მოსამსახურეთა ხელფასების 250,0 ლარით ზრდისთვის, ასევე „საჯარო სამართლის იურიდიული პირის – საქართველოს ოპერატიულ-ტექნიკური სააგენტოს შესახებ“ საქართველოს კანონის შესაბამისად თანხები გათვალისწინებულია გეოლოკაციის რეალურ დროში განსაზღვრის სისტემის შექმნის ნაწილობრივ დასაფინანსებლად;

• საგანგებო სიტუაციების მართვის სამსახურისთვის გათვალისწინებულია 87.6 მლნ ლარი, მათ შორის 5,5 მლნ ლარი გათვალისწინებულია მეხანძრეებისა და მაშველების ხელფასების ზრდისთვის;
• საქართველოს პროკურატურისთვის გათვალისწინებულია 36.0 მლნ ლარი;
• საქართველოს სახელმწიფო დაცვის სპეციალური სამსახურისთვის გათვალისწინებულია 55.5 მლნ ლარი;
• სახალხო დამცველის აპარატისთვის გათვალისწინებულია 6,4 მლნ ლარი;
• იურიდიული დახმარების სამსახურისთვის გათვალისწინებულია 6,4 მლნ ლარი;
• პერსონალურ მონაცემთა დაცვის ინსპექტორის აპარატისთვის გათვალისწინებულია 2.0 მლნ ლარი, თუმცა აღსანიშნავია, რომ მიმდინარე წელს განხორციელებული საკანონმდებლო ცვლილებებით 2019 წლიდან იზრდება ინსპექტორის ფუნქციები და შესაბამისად აუცილებელი იქნება ინსპექტორის აპარატისთვის დამატებითი თანხების გამოყოფა. ამ ეტაპზე აპარატის წარმომადგენლებთან მიმდინარეობს კონსულტაციები და პროექტის გადამუშავებულ ვარიანტში გათვალისწინებული იქნება აპარატის ფუნქციების განსახორციელებლად საჭირო თანხები;