არსებული მაკროეკონომიკური პროგნოზების გათვალისწინებით, 2018 წელს მოსალოდნელია საგადასახადო შემოსავლების გადაჭარბებით შესრულება, შესაბამისად, განახლებული პროგნოზი შეადგენს 10 500,0 მლნ ლარს. 2018 წლის განახლებული პროგნოზიდან არის გაანგარიშებული 2019 წლის მაჩვენებელიც, რომელიც მშპ-ს 24,8%-ია და ნომინალურ გამოხატულებაში შეადგენს 11 200,0 მლნ ლარს, მათ შორის:

• საშემოსავლო გადასახადის საპროგნოზო მაჩვენებელი განისაზღვრა 3 365.0 მლნ ლარით, მათ შორის სახელმწიფო ბიუჯეტის წილი შეადგენს 3 115,0 მლნ ლარს, ხოლო ავტონომიური რესპუბლიკების წილი 250,0 მლნ ლარს;

გაანგარიშებაში გათვალისწინებულია რომ მიმდინარე წელს საშემოსავლო გადასახადი გადაჭარბებით შესრულდება და მიაღწევს 3 200,0 მლნ ლარს. აღნიშნული მაჩვენებლის და 2019 წელს ნომინალური ეკონომიკური ზრდის გათვალისწინებით არის გაანგარიშებული საშემოსავლო გადასახადის 2019 წლის პროგნოზი, ასევე გათვალისწინებულია საპენსიო რეფორმის და მიმდინარე წლის მცირე ბიზნესის ხელშეწყობის მიზნით საგადასახადო კოდექსში შესული ცვლილების (1%-იანი გადასახადი მცირე ბიზნესისთვის) ეფექტი.

• მოგების გადასახადის საპროგნოზო მაჩვენებელი განისაზღვრა 786.0 მლნ ლარით;

გაანგარიშებაში გათვალისწინებულია რომ მიმდინარე წელს მოგების გადასახადი გადაჭარბებით შესრულდება და გადააჭარბებს 720,0 მლნ ლარს. აღნიშნული მაჩვენებლის და 2018 წელს ნომინალური ეკონომიკური ზრდის გათვალისწინებით არის გაანგარიშებული საშემოსავლო გადასახადის 2019 წლის პროგნოზი, ასევე გათვალისწინებულია BP-ის მიერ მოგების გადასახადის სახით გადასახდელი თანხის ზრდა (ახალი ნავთობსადენის აშენებიდან გამომდინარე) და მიმდინარე წლის საგადასახადო კოდექსში შესული ცვლილების (სსიპ-ების და ა(ა)იპ-ების გათავისუფლება მოგების გადასახადისგან) ეფექტი.

• დამატებული ღირებულების გადასახადის საპროგნოზო მაჩვენებელი განისაზღვრა 4 482.0 მლნ ლარით;

გაანგარიშებაში გათვალისწინებულია რომ მიმდინარე წელს დღგ გადაჭარბებით შესრულდება და გადააჭარბებს 4 500,0 მლნ ლარს. აღნიშნული მაჩვენებლის და 2019 წელს ნომინალური ეკონომიკური ზრდის გათვალისწინებით არის გაანგარიშებული დღგ-ს 2019 წლის პროგნოზი, ასევე გათვალისწინებულია იმპორტის ზრდა 10,0%-მდე.

აღსანიშნავია, რომ 2019 წლის სახელმწიფო ბიუჯეტის პროექტთან ერთად საბიუჯეტო კოდექსში და ადგილობრივი თვითმმართველობის კოდექსში წარმოდგენილი ცვლილებების მიხედვით, გათანაბრებითი ტრანსფერის და საშემოსავლო გადასახადის ნაცვლად მუნიციპალიტეტებში მიიმართება დღგ-ს 19,0%, რისი გათვალისწინებითაც წინა წლებისგან განსხვავებით დღგ-ს მნიშვნელოვანი ნაწილი მიიმართება მუნიციპალიტეტების ბიუჯეტებში, საქართველოს საბიუჯეტო კოდექსში დაგეგმილი ცვლილებებით გათვალისწინებული ფორმულის მიხედვით.

ზემოაღნიშნულის გათვალისწინებით დღგ-ს მთლიანი მოცულობიდან სახელმწიფო ბიუჯეტის წილი შეადგენს 4 036,0 მლნ ლარს, ხოლო მუნიციპალიტეტების წილი 946,0 მლნ ლარს;

• აქციზის საპროგნოზო მაჩვენებელი განისაზღვრა 1 505.0 მლნ ლარის ოდენობით;
• იმპორტის გადასახადის  საპროგნოზო მაჩვენებელი განისაზღვრა 83.0 მლნ ლარით;   
• სხვა გადასახადის საპროგნოზო მაჩვენებელი განისაზღვრა 40.0 მლნ ლარით;

ამასთან, 2019 წელს აქტიურად გაგრძელდება წინა წლებში წარმოქმნილი ზედმეტად გადახდილი გადასახადების (ძირითადად დღგ) დაბრუნების პროცესი და მოსალოდნელია რომ 2019 წელს დაბრუნდება 400,0 მლნ ლარზე მეტი.