თბილისის საქალაქო სასამართლოში ხორავას ქუჩაზე მომხდარი მკვლელობის შეუტყობინებლობის ბრალდებით დაკავებული მირზა სუბელიანის საქმის არსებითი განხილვა დაიწყო.
სხდომას თავად ბრალდებულიც ესწრება. მან გასულ პროცესზე განაცხადა, რომ არ სურდა შეცვლოდა აღკვეთის ღონისძიება, პატიმრობა.
დღევანდელ სხდომაზე მხარეები შესავალი სიტყვით წარსდგებიან.
შეგახსენებთ, რომ პროკურატურის ყოფილი თანამშრომელი, მირზა სუბელიანი ხორავას ქუჩაზე მომხდარი მკვლელობის საქმეზე სისხლის სამართლის კოდექსის 376-ე მუხლით, დანაშაულის შეუტყობინებლობის ბრალდებით დააკავეს.
ის წარდგენილ ბრალდებაში თავს დამნაშავედ ცნობს.
