ჭარბვალიანობის შესამცირებლად, სებ-ი და მიკრო საფინანსო ორგანიზაციები სამუშაო რეჟიმში დიალოგს აგრძელებენ. როგორც სებ-ის პრეზიდენტი კობა გვენეტაძე ამბობს, მუშა შეხვედრები გარკვეულ ტექნიკურ საკითხებზე კვლავ შედგება.
„გუშინ მიკრო საფინანსო ორგანიზაციების ასოციაციასთან გაიმართა სამუშაო შეხვედრა. ასეთი შეხვედრები დროდადრო იმართება. მოგეხსენებათ, რომ ჯერ გვაქვს გარკვეული დრო, ვიდრე რეგულაცია ამოქმედდება. ამიტომ მათთან რამდენიმე საკითხი განვიხილეთ. დამატებითი შეხვედრები კიდევ იქნება საჭირო ტექნიკურ დონეზე. იყო დაყენებული ინტერპრეტირების საკითხიც, რომ ნათლად დაიწეროს იმ სამუშაო ვარიანტში სხვადასხვა საკითხები და ვფიქრობთ, რომ შევძლებთ შევჯერდეთ იმ ძირითად პრინციპებზე, რომელიც ჩვენთვის მნიშვნელოვანია“, აცხადებს სებ-ის პრეზიდენტი.
შეგახსენებთ, რომ სებ-ის პრეზიდენტს კობა გვენეტაძეს მიკროსაფინანსო ორგანიზაციების წარმომადგენლებს შეხვდა, სადაც იმ ნორმატიულ აქტზე იმსჯელეს, რომელიც საფინანსო სექტორს დაკრედიტების ახალ რეგულაციებს უწესებს. და ძალაში 2019 წლის 1-ელი იანვრიდან უნდა შევიდეს.
რეგულაციების ნაწილს მიკროსაფინანსო ორგანიზაციები არ ეთანხმებიან. ისინი ამბობენ, რომ დარჩენილია ორი საკითხი, რომელიც ჯერ კიდევ შეთანხმებას მოითხოვს.
