თბილისის საერთაშორისო აეროპორტებში მგზავრთა მიერ დარჩენილი თუ დაკარგული ნივთების 40%-ი ტანსაცმელსა და საკვებ პროდუქტებზე მოდის.
თბილისის და ბათუმის საერთაშორისო აეროპორტების ოპერატორი კომპანია „ტავ ჯორჯიას“ ინფორმაციით, თბილისის საერთაშორისო აეროპორტში დაკარგული და ნაპოვნი ნივთების ოფისში ნივთების 90%-ი ბარდება უსაფრთხოების სამსახურის მიერ, დანარჩენი კი 10%-ი სხვადასხვა დეპარტამენტების თანამშრომლების მიერ.
მგზავრებს ნივთები რჩებათ ძირითადად გაფრენის დარბაზსა და გასასვლელ ხიდში (GATE).
„ტავის“ მიერ მოწოდებული, თბილისის საერთაშორისო აეროპორტში დაკარგული და ნაპოვნი ნივთების სტატისტიკა ასე გამოიყურება:
ტანსაცმელი და საკვები პროდუქტი - 40%-ი;
ცარიელი ჩანთები - 20%-ი;
სათვალე, საათი და სხვ აქსესუარი - 20%-ი;
მობილური ტელეფონი, კომპიუტერი - 10%-ი;
ფული, სხვადასხვა ძვირფასეულობა - 10%-ი.
