2018 წლის აგვისტოში, საქართველოში 3-ვარსკვლავიანი სასტუმროების საშუალო ფასმა 147 ლარი შეადგინა. 3-ვარსკვლავიან სასტუმროთა შორის ყველაზე მაღალი საშუალო ფასები რეგიონებს შორის სამეგრელო-ზემო სვანეთში - 177 ლარი და აჭარაში - 164 ლარი დაფიქსირდა.
PMCG-ის ინფორმაციით, აგვისტოში, 3-ვარსკვლავიან სასტუმროთა შორის დაბალი ფასებით გამოირჩეოდა ქვემო ქართლი - 89 ლარი და იმერეთი - 103 ლარი.
4-ვარსკვლავიანი სასტუმროების საშუალო ფასმა აგვისტოში 253 ლარი შეადგინა. 4-ვარსკვლავიან სასტუმროთა შორის, ყველაზე მაღალი საშუალო ფასები კახეთში - 299 ლარი და სამცხე-ჯავახეთში - 274 ლარი დაფიქსირდა. აგვისტოში 4-ვარსკვლავიან სასტუმროთა შორის დაბალი ფასებით გამოირჩეოდა სამეგრელო-ზემო სვანეთი - 155 ლარი და იმერეთი - 233 ლარი.
5-ვარსკვლავიან სასტუმროთა საშუალო ფასმა აგვისტოში 455 ლარი შეადგინა. თბილისში, ამ ტიპის სასტუმროებში, სტანდარტული 2-ადგილიანი ნომრის საშუალო ფასმა 619 ლარი შეადგინა, აჭარაში - 393 ლარი, სამცხე-ჯავახეთში - 383 ლარი, ხოლო კახეთში - 357 ლარი.
საოჯახო ტიპის სასტუმროების საშუალო ფასმა აგვისტოში 74 ლარი შეადგინა. აგვისტოში, ყველაზე მაღალი ფასი საოჯახო ტიპის სასტუმროებში გურიაში - 138 ლარი და ქვემო ქართლში - 107 ლარი დაფიქსირდა. საოჯახო ტიპის სასტუმროებს შორის ყველაზე დაბალი საშუალო ფასები დაფიქსირდა კახეთში - 61 ლარი, იმერეთში და შიდა ქართლში - 62 ლარი.
airbnb-ის მიხედვით ბინების საშუალო ფასმა საქართველოში აგვისტოში $45 შეადგინა. ტურისტების მიერ ყველაზე ხშირად მონახულებად ადგილებს შორის (2017 წლის მიხედვით) ფასების განაწილება აგვისტოში შემდეგია: თბილისი - 42$, ბათუმი -46$, ყაზბეგი - 50$, მცხეთა - 37$, გუდაური - 89$, ქუთაისი -31$, სიღნაღი - 27$, ბორჯომი - 32$, ქობულეთი - 46$.
