ესტონეთის საინჟინრო ინდუსტრიის ფედერაცია და ფინეთის ბიზნეს ასოციაცია აჭარაში ინვესტირებით დაინტერესდა.
აჭარაში ოფიციალური ვიზიტით ესტონეთის და ფინეთის ბიზნეს დელეგაცია იმყოფება.
აჭარის ფინანსთა და ეკონომიკის მინისტრმა ჯაბა ფუტკარაძემ დელეგაციის წევრებთან შეხვედრა გამართა.
დელეგაციის წევრებს აჭარის საინვესტიციო პოტენციალის შესახებ სპეციალური პრეზენტაციის ნახვის საშუალება მიეცათ.
სტუმრებმა ქვეყანაში არსებულ საგადასახადო რეჟიმებზე, კანონმდებლობაზე და აჭარის საპრივატიზაციო ობიექტებზე ინფორმაცია მიიღეს.
მინისტრმა შეხვედრაზე საქართველოში ბიზნესის დაწყების სიმარტივეზე და ამ სფეროში არსებულ რეგულაციებზე ისაუბრა.
ბიზნესმენები აჭარაში ინოვაციური წარმოებით, საინჟინრო სისტემების კომპეტენციის ცენტრების შექნით, ასევე ტურისტული ინფრასტრუქტურის განვითარებით დაინტერესდნენ.
დელეგაციის შემადგენლობაში ესტონეთის საინჟინრო ინდუსტრიის ფედერაციის, ქალაქ ტურკუს მანქანადანადგარების ტექნოლოგიური ცენტრის, ქალაქ ტალინის გამოყენებითი მეცნიერების უნივერსიტეტის და სხვადასხვა კომპანიების ხელმძღვანელები არიან.
ჯაბა ფუტკარაძემ სტუმრებს რეგიონის ეკონომიკური განვითარების შესახებ ინფორმაცია მიაწოდა და სამომავლო თანამშომლობის მზაობა გამოთქვა.
ოფიციალური დეგელაციის წევრებთან შეხვედრას აჭარის ფინანსთა და ეკონომიკის სამინისტროს საინვესტიციო დეპარტამენტის უფროსი ვახო ჭეიშვილი ესწრებოდა.
