ბათუმობის დღესასწაულთან დაკავშირებით დაგეგმილი ღონისძიებების უსაფრთხოდ და ორგანიზებულად ჩატარების მიზნით, დღეს, 31 აგვისტოს პარკირება შეიზღუდება ზ. გამსახურდიას, ხულოს, მაზნიაშვილისა და კოსტავას ქუჩებს შორის არსებულ მონაკვეთში (გორგასლის, ფარნავაზ მეფის და ჟორდანიას ქუჩებზე).
1 სექტემბერს ამავე მონაკვეთში სატრანსპორტო მოძრაობა შეიზღუდება 08:00-დან 19:00 საათამდე. ასევე 01 სექტემბერს, 09:00-დან 12:00 საათამდე მოძრაობა შეიზღუდება მემედ აბაშიძის ქუჩაზე, ვაჟა-ფშაველასა და ზ. გამსახურდიას ქუჩებს შორის არსებულ მონაკვეთში. 01 სექტემბერს, 08:00-დან 19:00 საათამდე პარკირება და სატრანსპორტო მოძრაობა შეიზღუდება ქუთაისის ქუჩაზე, კოსტავასა და ჟორდანიას ქუჩებს შორის არსებულ მონაკვეთში.
