29 აგვისტოს, 12:00 საათზე, ეროვნული ბანკის პრეზიდენტი კობა გვენეტაძე ფრანკფურტის წიგნის საერთაშორისო ბაზრობისადმი მიძღვნილ 5 ლარის ნომინალის ვერცხლის საკოლექციო მონეტას წარადგენს.
შეგახსენებთ, რომ ქართული წიგნის ეროვნული ცენტრი აქტიურად მუშაობს საპატიო სტუმარი ქვეყნის როგორც ლიტერატურული ასევე კულტურული პროგრამის დაგეგმვა-განხორციელებაზე.
ამჟამად, მიმდინარეობს ქართული ლიტერატურის გერმანულ ენაზე თარგმნისა და გერმანულენოვან ქვეყნებში გამოცემის პროცესი, სისტემატურად იმართება თანამედროვე მწერლების ლიტერატურული ტურები სხვადასხვა გერმანულენოვან ქალაქში.
ფრანკფურტის წიგნის ბაზრობა (Frankfurter Buchmesse) ყველაზე პრესტიჟული და დიდი საერთაშორისო ღონისძიებაა არა მარტო ლიტერატურულ და საგამომცემლო, არამედ ზოგადად, კულტურულ სფეროში. ყოველწლიურად ბაზრობა 300 000-მდე ვიზიტორს მასპინძლობს და 400 000-მდე წიგნს გამოფენას.
ქართულმა მხარემ ფრანკფურტის წიგნის ბაზრობასთან მოლაპარაკებები 2010 წელს დაიწყო, ხოლო ოფიციალურად შეთანხმება საქართველოს კულტურისა და ძეგლთა დაცვის სამინისტროსა და ფრანკფურტის წიგნის ბაზრობას შორის 2014 წელს გაფორმდა.
