აჭარის ა.რ ფინანსთა და ეკონომიკის მინისტრმა ჯაბა ფუტკარაძემ პოლონეთში აჭარის რეგიონის საინვესტიციო და ტურისტული პოტენციალის შესახებ პრეზენტაცია წარადგინა.
მინისტრმა აჭარის ეკონომიკურ განვითარებაზე, მიმდინარე და დაგეგმილ პროექტებზე ისაუბრა.
ტექნოლოგიურ პარკში ასევე კრაკოვის ტექნოლოგიური პარკის (KTP), მალოპოლსკას რეგიონალური განვითარების სააგენტოს (MRDA) და მალოპოლსკას ბიზნეს ცენტრის (www.businessinmalopolska.com) პრეზენტაციები გაიმართა.
პრეზენტაციას კრაკოვის ტექნოლოგიური პარკის, მალოპოლსკას რეგიონული განვითარების სააგენტოს, ბიზნეს ცენტრის და აჭარის დელეგაციის წევრები ესწრებოდნენ.
კრაკოვის ტექნოლოგიების პარკის ძირითადი საქმიანობა:
მალოპოლსკას ტექნოლოგიური განვითარება, მეწარმეობის განვითარება, ინოვაციების პოპულარიზაცია და ახალი ტექნოლოგიების ხელშეწყობა, დადებითი ბიზნეს კლიმატის შექმნა და აკადემიური პროექტების მხარდაჭერა.
პარკი მნიშვნელოვნად უწყობს ხელს მალოპოლსკას რეგიონის პოტენციალის გაძლიერებას.
