"გაეცით თუ არა მან განკარგულება, რომ დადგენილიყო სუბელიანის როლი მომხდარ ფაქტში?" - ამ კითხვით მიმართეს ყოფილ მთავარ პროკურორს ირაკლი შოთაძეს დროებითი საგამოძიებო კომისიის წევრებმა. ამ კითხვის პასუხად შოთაძემ განმარტა, რომ თავდაპირველად მან გასცა განკარგულება, დადგენილიყო მკვლელობაში მირზა სუბელიანის შვილის შესაძლო მონაწილეობა.
„ვინაიდან ჩვენი თანამშრომლის შვილი ფიგურირებდა, გავეცი მე კონკრეტული მითითება, მაგრამ იმ მითითების გაცემა, რომ გამოიკვეთოს ბრალდებული მით უმეტეს მკვლელობის საქმეზე, იქ ჩემი ჩარევის საჭიროება არა არსებობს და არ არსებობს არც ერთ შემთხვევაში. მაგრამ ამ შემთხვევაში იყო კონკრეტული ფაქტი, სადაც საუბარი იყო მირზა სუბელიანის შვილის შესაძლო მონაწილეობაზე და ჩემთვის განსაკუთრებული ინტერესის ობიექტს წარმოადგენდა. ჩემი მოსაზრება დღევანდელი გადმოსახედიდან ის არის, რომ ჩატარდა ყველსა საგამოძიებო მოქმედება და დადგინდა, რომ მირზა სუბელიანის შვილს არანაირი შემხებლობა არ ჰქონდა ჩადენილ მკვლელობასთან. ეს არის ჩემი პასუხი“- აღნიშნა შოთაძემ.
ამ წუთში, პარლამენტში საგამოძიებო კომისიის წევრების კითხვებს შს მინისტრი გიორგი გახარია და ყოფილი მთავარი პროკურორი, ირაკლი შოთაძე პასუხობენ.
