ხორავას ქუჩაზე მომხდარი მკვლელობის საქმეზე პარლამენტის დროებითი საგამოძიებო კომისია დღეს ერთ-ერთი მთავარი მოწმის, მიხეილ კალანდიას ძმას, ლუკა კალანდიას გამოკითხავს.
ლუკა კალანდია მამასთან, თენგიზ კალანდიასთან ერთად ბრალდებულია ხორავას ქუჩაზე მომხდარი დანაშაულის დაფარვაში. ის 21 წელს მიღწეული არ არის და მასზე საპატიმრო აღკვეთის ღონისძიება არ არის გამოყენებული.
ლუკა კალანდია სასამართლომ გირაოს სანაცვლოდ გაათავისუფლა.
ცნობისთვის, პირველ დეკემბერს, ხორავას ქუჩაზე მოზარდებს შორის დაპირისპირებას ორის არასრულწლოვნის, ლევან დადუნაშვილის და დავით სარალიძის სიცოცხლე ემსხვერპლა.
