ბიზნესმენი გიორგი სოზაშვილი დაკავებულია.
სამართალდამცველებმა ის ვაკე-საბურთალოს პოლიციასთან, მისი კუთვნილი ავტომობილიდან პირადი ნივთების ამოღებისას დააკავეს.
დაკავებას წინ სოზაშვილსა და პოლიციელებს შორის სიტყვიერი დაპირისპირება უძღოდა.
შსს-ს ცნობით, ბიზნესმენი პოლიციამ ადმინისტრაციულ სამართალადარღვევათა კოდექსის 173-ე მუხლის დარღვევით დააკავა, რაც პოლიციელის კანონიერი მოთხოვნის დაუმორჩილებლობას გულისხმობს.
