დარწმუნებული ვარ, რომ ეს განაჩენი ვერც ერთ შემთხვევაში ვერ დასაბუთდება და ბუნებრივია ზემდგომ ინსტანციაში ჩვენ გავასაჩივრებთ, - განაცხადა ტერორიზმის მხარდაჭერის საქმეზე მსჯავრდებულ ზურაბ იდოიძის ადვოკატმა, დათუნა მოდებაძემ.
როგორც ის განმარტავს, თბილისის საქალაქო სასამართლოს მიერ გამოტანილი გამამტყუნებელი განაჩენი მისთვის მოულონდელი იყო. ამასთან, მოდებაძისთვის გაუგებარია, თუ რატომ შეუფარდა მინიმალური სასჯელი მისი დაცვის ქვეშ მყოფს მოსამართელემ იმ ფონზე, რომ ბრალდებული დანაშაულს არ აღიარებდა.
"მართლა მაინტერესებს რა აქცენტებს გააკეთებს მოსამართლე სამოტივაციო ნაწილში და რა მტკიცებულებებს გამოიყენებს იდოიძის ნაწილში დამნაშავედ ცნობასთან დაკავშირებით", - განაცხადა დათუნა მოდებაძემ.
ცნობისთვის, დღეს თბილისის საქალაქო სასამართლომ ტერორიზმის მხარდაჭერის საქმეზე ბრალდებული ყველა პირი დამნაშვედ სცნო.
