ბათუმში, კ.გამსახურდიასა და კოსტავას ქუჩების კვეთაზე ავტომობილი გაქურდეს. არსებული ინფრომაციით, მანქანიდან წაღებულია ფული, ძვირადღირებული ტექნიკა და სხვა ნივთებიც.
როგორც დაზარალებული ამბობს, რომ აღნიშნულ ტერიტორიაზე ავტომობილი ღამით გააჩერა, დილით მისულს კი გაქურდული დახვდა. ამის შემდეგ, მანქანის მეპატრონემ საპატრულო პოლიცია გამოიძახა.
შინაგან საქმეთა სამინისტროს ინფორმაციით, დადგენილია არასრულწლოვანის ვინაობა, ვინც დანაშაული ჩაიდინა. გამოძიება სისხლის სამართლის კოდექსის 177-ე მუხლით დაიწყო, რაც ქურდობას გულისხმობს.
