აუდიტის სამსახურის დასკვნით, 2015 წლის ბოლოს, იუსტიციის უმაღლესმა საბჭომ დარჩენილი საბიუჯეტო რესურსი დასაბუთების გარეშე აითვისა. კერძოდ, გადაწყვიტა შეეძინა ერთი ჯიპი და ერთიც სედანი 100 000 ლარად. ეს მანქანები, შეძენიდან რამდენიმე თვის შემდეგ დეპარტამენტის ხელმძღვანელებს გადაეცათ. აუდიტის სამსახურს ეჭვი შეაქვს სატენდერო დოკუმენტაციაშიც.
კერძოდ, ტექნიკურ მახასიათებლებში კონკრეტულად იყო მითითებული ავტომობილის გამოშვების წელი და ფერი - „სედანი“ უნდა ყოფილიყო 2014 წელს გამოშვებული და უნდა ყოფილიყო ვერცხლისფერი.
ჯიპი უნდა ყოფილიყო ვერცხლისფერი, თუმცა გამოშვებული 2015 წელს. ასეთი კონკრეტიკა, როგორც აუდიტის სამსახურის დასკვნაშია ნათქვამი, კონკურენციის შეზღუდვის რისკებს წარმოშობს.
