აჭარის სოფლის მეურნეობის ახალი მინისტრის პირველი სამუშაო დღე უწყებაში. ტიტე აროშიძე სამინისტროს თანამშრომლებს აჭარის მთავრობის თავმჯდომარემ თორნიკე რიჟვაძემ ოფიციალურად წარუდგინა. შეხვედრაზე მთავრობის თავმჯდომარემ ტიტე აროშიძის საქმიანობაზე და განათლებაზე კიდევ ერთხელ ისაუბრა.
ტიტე აროშიძეს სოფლის მეურნეობის მიმართულებით ძალიან დიდი გამოცდილება აქვს. მას დამთავრებული აქვს საინჟინერო მექანიკის ფაკულტეტი ბათუმის პოლიტექნიკურ ინსტიტუტში, არის საქართველოს ტექნიკური უნივერსიტეტის ეკონომიკური მაგისტრი. ასევე სახელმწიფო ფინანსების დოქტორანტი. 2017 წლიდან დღემდე მუშაობდა ,,კავკასიის ეკონომიკური და სოციალური კვლევით ინსტიტუტში’’ ექსპერტად. ასევე მუშაობდა ,,დემოკრატიის ინსტიტუტში’’. 2008-2015 წლებში მუშაობდა ქ. ბათუმის მერიაში.
ოფიციალური წარდგენის შემდეგ, აჭარის სოფლის მეურნეობის ახალ მინისტრს ავთანდილ მესხიძემ თანამდებობაზე დანიშვნა მიულოცა, სამინისტროს მიმდინარე პროგრამები გააცნო და სამომავლო წარმატებები უსურვა.
